प्रधानमन्त्रीभन्दा पहिले परराष्ट्र मन्त्री बिदेश भम्रणमा

१७ माघ, काठमाडौं । प्रधानमन्त्री पुष्पकमल दाहाल प्रचण्डको पहिलो विदेश भ्रमण अन्योलमा परिरहेका बेला परराष्ट्रमन्त्री बिमला राई पौडेल आउँदो बिहीबार विदेश भ्रमणमा निस्कन लागेकी छन् । उनको बिहीबारबाट हुने श्रीलंका भ्रमण सोमबारको मन्त्रिपरिषद् बैठकले स्वीकृत गरेको छ ।

बेलायती उपनिवेशबाट स्वतन्त्र भएको ७५ औं बर्षगाठका अवसरमा श्रीलंका सरकारले आयोजना गर्ने विशेष समारोहमा सहभागी हुन लागि पराराष्ट्र मन्त्री पौडेल श्रीलंका जान लागेकी हुन । आज मंगलवार देखी नै कोलम्बोमा सुरु हुने बिशेष समारोह आर्थिक संकटसँग सम्बन्धित छ । आर्थिक संकटबाट माथि उठ्नका लागि यो अवसरमा श्रीलंकाले विशेष समारोह आयोजना गरेको हो ।

सो समारोहमा परराष्ट्र मन्त्री पौडेलले समकक्षी अलि साबिक्रोसहित श्रीलंकाका उच्च पदस्थ पदाधिकारीसँग भेटघाट गर्नेछिन । यता, प्रधानमन्त्री प्रचण्डले पहिलो भ्रमण भारतबाट गर्ने भनिएपनि अझै निश्चित भएको छैन् । राष्ट्रपतिको निर्वाचन अगाडी प्रधानमन्त्रीको विदेश भ्रमण टर्दै गएको छ ।