राष्ट्रियसभाका अध्यक्षबिरुद्ध जाँदैछ अविश्वासको प्रस्ताव
केदार भट्टराई (काका)
चैत ६, २०७९ सोमबार १६:४८:४५
६ चैत, काठमाडौं । राष्ट्रियसभाका अध्यक्ष गणेशप्रसाद तिमिल्सिनाबिरुद्ध अविश्वासको प्रस्ताव लाने तयारी भइरहेको छ । उच्च स्रोतले नेपालबहसलाई दिएको जानकारी अनुसार संसदको हिउँदे अधिवेशन अगाडी नै यस्तो प्रस्ताव जानसक्ने सम्भावना रहेको छ । सर्वोच्च अदालतदेखि विभिन्न संवैधानिक निकायहरुको नियुक्तिमा सरकारी पक्षलाई प्रतिकुल प्रभाव पर्नसक्ने देखिएपछि संवैधानिक परिषदमा रहेको एमालेको बहुमत घटाउन राष्ट्रियसभाका अध्यक्ष तिमिल्सिनाबिरुद्ध अविश्वासको प्रस्ताव जानसक्ने स्रोतको दावी छ ।
अहिले संवैधानिक परिषदमा नेकपा एमालेको बहुमत छ । एमालेको बहुमत रहेसम्म संवैधानिक परिषदको बैठक एकवर्षसम्म लम्याएर सरकारलाई अप्ठ्यारोमा पार्ने रणनीतिमा एमाले अध्यक्ष ओली रहेको उनीनिकटका नेताहरुले साार्वजनिक रुपमा नै बताइरहेका छन् । यसलाई मध्यनजर गर्दै प्रधानमन्त्री प्रचण्डले राष्ट्रिसभाका अध्यक्ष तिमिल्सिनाबिरुद्ध अविश्वासको प्रस्ताव लगेर उनीलाई हटाएर भएपनि संवैधानिक परिषदमा आफ्नो बहुमत पुर्याउन यो विधि अपनाउने स्रोतको भनाइ छ ।
टीआरसी विधेयक र संवैधानिक परिषदसम्बन्धी विधेयक संसदबाट चाँडै परित गराउनुपर्ने हतारमा सरकारी पक्ष छ । तर, एमाले यसलाई अलमल्याएर राख्न चाहिरहेको देखिन्छ । यसरी सत्तापक्ष विपक्षबीचको विवादको शिकार भने अध्यक्ष तिमिल्सिना हुने देखिएको छ । स्रोत भन्छ, केन्द्रमा देखिएको सत्ता समीकरणको तत्कालीन असर राष्ट्रियसभा अध्यक्ष गणेशप्रसाद तिमल्सिनालाई पर्ने निश्रित जस्तै छ । नेपालको संविधानको धारा ९२ को उपधारा ६ को (ग) मा अध्यक्ष वा उपाध्यक्षले पद अनुकूल आचरण नगरेको भन्ने प्रस्ताव राष्ट्रियसभाको तत्काल कायम रहेको सम्पूर्ण सदस्य संख्याको दुइतिहाई बहुमतबाट पारित भएमा निज पदबाट मुक्त हुने ब्यवस्था रहेको छ ।
राष्ट्रियसभामा रहेका ५९ सदस्यमध्ये ३९ सदस्यले गठबन्धनलाई साथ दिएमा उनी पदमुक्त हुनेछन् । त्यो कार्यका लागि गठबन्धनलाई सहज पनि छ । तिमल्सिना राष्ट्रियसभा अध्यक्ष रहुँन्जेल संवैधानिक परिषदमा अल्पमतमा रहेका प्रचण्डले संवैधानिक परिषदमा बहुमत पुर्याउनकै लागि भएपनि यो कदम चाल्ने तयारी छ । यसबारे सत्ता गठबन्धनमा सामान्य र अनौचारिक रुपमा कुरा पनि उठेको स्रोतको भनाइ छ । आइतबारको प्रतिनिधिसभा बैठकम पेस भएका दुई विधेयक पारित गराउने विषयमा सत्तापक्ष र प्रतिपक्षबीच असहमति भए त्यसको शिकार राष्ट्रियसभाका अध्यक्ष गणेशप्रसाद तिमिल्सिना हुने भएका छन् ।
प्रतिनिधिसभामा पेस भएको बेपत्ता पारिएका व्यक्तिको छानबिन, सत्य निरूपण तथा मेलमिलाप आयोगसम्बन्धी तेस्रो संशोधन विधेयकको प्रक्रियामा नै दलहरू विभाजित भएका छन् । प्रमुख प्रतिपक्षी दल नेकपा एमाले यही अवस्थामा यो विधेयक पारित हुन नदिने पक्षमा छ । यो सहित संवैधानिक परिषदसम्बन्धी विधेयकमा पनि सरकारलाई अड्काउने पक्षमा एमाले छ । संवैधानि परिषदमा एमालेको बहुमत छ । एमालेको बहुमत रहेसम्म प्रधानन्त्री पुष्पकमल दाहाल प्रचण्डले सर्वोच्च अदालत लगायतका संवैधानिक निकायहरुमा आफु अनुकु र सहज रुपमा नियुक्ति दिन नसक्ने अवस्था छ ।
पुष १० भएको सहमति कार्यान्वयन नभएपछि प्रधानमन्त्री प्रचण्डसँग बदला लिने तयारीमा एमाले छ भने ओलीका रणनीतिलाई जुनसुकै उपाय अपनाएर भएपनि असफल बनाउने रणनीतिमा प्रधानमन्त्री प्रचण्ड छन् । २५ फागुनमा दर्ता भएको टीआरसी तेस्रो संशोधन विधेयकलाई आइतबारको प्रतिनिधिसभा बैठकम एमालेले सहजै पारित हुन नदिने संकेत दिएको छ । एमाले प्रमुख सचेतक पदम गिरीले संक्रमणकालीन न्यायसम्बन्धी कानुन संवेदनशील र महत्वपूर्ण भएकाले संसदीय समितिमा दफावार छलफल गरेर निष्कर्षमा पुग्नुपर्ने भनाइ राखेका थिए ।
यो विधेयक संवेदनशील र महत्वपूर्ण भएकाले हतार गरेर सदनबाट पास गर्न नमिल्ने भन्दै गिरीले सत्तापक्षले बहुमतमा पास गरेमा यसले संसदमा नै दुर्घटना निम्त्याउने बताएका थिए । कांग्रेस द्वन्द्वको संक्रमणकालीन न्याय निरूपण विशेष कानुनबाट हुने अन्तर्राष्ट्रिय अभ्यास रहेको भन्दै विधेयक पास गरेर लामो समयदेखि अनिर्णयमा रहेको विषयलाई तार्किक निष्कर्षमा पुर्याउनुपर्ने पक्षमा छ । माओवादी संक्रमणकालीन न्याय टुंगोमा पुर्याउन तत्काल कानुन बनाउनुपर्ने पक्षमा छ । सत्तापक्षामा रहेको जसपा पनि संक्रमणकालीन न्याय संवेदनशील विषय भएकाले फास्ट ट्र्याकबाट अघि बढाउनुपर्ने पक्षमा देखिएको छ । तर, एमाले यसको पक्षमा छैन् र यसको शिकार सम्बन्ध नै नभएका राष्ट्रियसभाका अध्यक्ष तिमिल्सिना हुँदैछन् ।
प्रतिनिधिसभाको अघिल्लो कार्यकालमा लामो छलफल भएर सहमति जुट्न नसकेको विधेयकलाई जस्ताको तस्तै ल्याएको सत्तापक्षले ‘फास्ट ट्र्याक’मा पारित गर्न खोजेको छ । प्रतिपक्षले भने संसदीय समितिमा विस्तृत छलफल गरेर मात्र विधेयक पारित गर्नुपर्ने अडान लिएको छ । गठबन्धनमा रहेका दलहरू विधेयकको अन्तर्वस्तु र प्रक्रियामा एकै ठाउँ छन् । यता, संवैधानिक परिषदसम्बन्धी सरकारले ल्याएको विधेयक पनि विवादमा छ । तत्कालिन समयमा सत पक्षमा रहँदा एमालेले ल्याएको यो विधेयकमाथि प्रतिपक्षिमा आएपछि उसैले विरोध गरिरहेको छ । यो विधेयक भने राष्ट्रियसभाका अध्यक्ष तिमिल्सिनासँग सम्बनन्धित छ ।
केदार भट्टराई (काका)
नेपालबहस डटकमका कार्यकारी सम्पादक केदार भट्टराई दुई दशकदेखि नेपाली पत्रकारितामा क्रियाशील छन् । भूगोल साप्ताहिकबाट पत्रकारिता शुरु गरेका पत्रकार भट्टराईले साप्ताहिक विमर्श, देशान्तर, रेडियो नेपाल वाणी नेटवर्कमा काम गरिसकेका छन् । भट्टराईले आर्थिक, राजनीतिक, भ्रष्टाचार एवं विकृति र विसंगतिका विरुद्ध तीखो कलम चलाउँदै आएका छन् ।
लेखकबाट थपज्योति विकास बैंकको वित्तीय अवस्था दिन प्रतिदिन बिग्रँदो क्रममा, व्यवसाय विस्तार ठप्प
बैशाख ११, २०८१ मंगलबार
राहदानीको फिचर्स परिवर्तन र एमआरपी खरिदमा मुख्यसचिवदेखि सुरक्षा सल्लाहकारसम्म तानिने
बैशाख ८, २०८१ शनिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
बैशाख ११, २०८१ मंगलबार
इलाम उपनिर्वाचन, डरैडरमा उम्मेदवार
बैशाख ११, २०८१ मंगलबार
कर्णालीमा मन्त्रालयको भागबण्डामै सकस, आज सानो आकारको मन्त्रीमण्डल बन्ने
बैशाख १२, २०८१ बुधबार
१६ औं योजनालाई अन्तिम रुप दिने छलफलमा उच्च तहका सबैलाई निम्तो
बैशाख १२, २०८१ बुधबार
सोलुखुम्बुमा डढेलो बस्तीमा फैलिँदा पाँच घर जलेर नष्ट
बैशाख १२, २०८१ बुधबार
समुन्द्रमा ५ आप्रावासीको मृत्यु भए पछि बेलायतमा हंगामा
बैशाख १२, २०८१ बुधबार
भोइजर–१ पुग्यो अन्तरिक्षको २४ बिलियन किमी टाढा, रेडियो सन्देश पठाउन सक्षम
बैशाख १२, २०८१ बुधबार
शहरीकरणले गर्दा भूकम्पीय जोखिम बढ्यो : राष्ट्रपति पौडेल
बैशाख १२, २०८१ बुधबार