राजीनामा बुझाउन बालुवाटार पुगे अब्दुल खान, गठबन्धनबाट बाहिरिने जनमतको चेतावनी

१२ चैत, काठमाडौं । सिके राउत नेतृत्वको जनमत पार्टीबाट खानेपानी मन्त्री भएका अब्दुल खानले राजीनामा दिएका छन् । मन्त्री अब्दुल खान अहिले राजीनामा बुझाउन उनी बालुवाटार पुगेका छन् । जनमतले मागेको मन्त्रालय नपाए सत्ता गठबन्धनबाट बाहिरिने चेतावनी दिएको छ । अहिले प्रधानमन्त्री र मन्त्री खानबीच छलफल चलिरहेको बताइएको छ ।

जनमत पार्टीले उद्योग मन्त्रालय दाबी गर्दै आएको थियो । मन्त्रिपरिषद् विस्तारका क्रममा उक्त मन्त्रालय नपाउने भएपछि खानले राजीनामा दिएका हुन , स्रोतका अनुसार  जनमतले आफुले भनेको मन्त्रालय नदिने भए यो गठबन्धनमा बस्नुको उचित्य नहुने बताउँदै आएकको थियो । नेपालबहसले मन्त्री खानसँग कुरा गर्न खाेज्दा उनको माेबाइल पनि सम्पर्कविहिन बनाइको पाइएको छ ।

मन्त्रिपरिषद् पुनर्गठन हुँदा जनमतले उद्योग, वाणिज्य तथा आपूर्ति मन्त्रालय या कृषि तथा पशुपन्छी विकास मन्त्रालयमा दाबी गरेको थियो । तर, जनमतले खानेपानी मन्त्रालय नै पाउने भएपछि खानले राजीनामा दिएको खानको सचिवालयले जनाएको छ ।

जनमतले सुरुदेखि नै उद्योग या कृषिमध्ये एक मन्त्रालय आफूले पाउनुपर्ने दाबी गरेको थियो । तर, त्यसबेला दुवै मन्त्रालय एमालेले लिएको थियो । त्यसबेलै असन्तुष्ट रहेको जनमतलाई प्रधानमन्त्री प्रचण्डले पछि मिलाउछु भनेपछि जनमत सरकारमा गएको थियो । तर, अहिले मन्त्रिपरिषद् पुनर्गठन हुँदा पनि खानेपानी मन्त्रालय नै पाउने भएपछि खानले मन्त्रीबाट राजीनामा दिएका हुन् ।

बिहानसम्म सहमति भएका मन्त्रालय एकाएक फेरिएपछि गठबन्धनमा खटपट सुर भएको छ । अहिले पनि मन्त्रालय तलमाथि पार्ने काम भइरहको छ । प्रधानमन्त्रीले शपथ अगाडी मात्रै वास्तविक मन्त्री मन्त्रालयको विवरण राष्ट्रपतिलाई बुझाउने तयार गरेको बताइएको छ । अहिले मन्त्रिमण्डल भागबण्डको विषयलाई लिएर सबै दलमा चर्को विवाद देखिएको छ ।