मलेम्चीको पाइप सफा गर्ने क्रममा २ जनाको मृत्यु

काठमाडौं । काठमाडौंको बालाजुमा २ जना मदजुरको मृत्यु भएको छ । उनिहरुको मलेम्ची खानेपानी आयोजनाको पाइप सफा गर्ने क्रममा मृत्यु भएको महानगरीय प्रहरी परिसर काठमाडौंले जनाएकोे छ ।

मृत्यु हुनेमा सप्तरीका २५ वर्षीय सुरेश साह र २० वर्षीय शिवराम साह छन् । उनीहरु दुवैजना दाजुभाई हुन् । गेटभल्व सफा गर्न दुवैजना दाजुभाई बिहीबार राति १० बजेतिर बालाजु चोकस्थित मलेम्ची खानेपानी आयोजनाको पाइपभित्र छिरेका थिए । पाइपभित्र छिरेको १ घण्टासम्म पनि दुवै जना बाहिर नआएपछि अरु मजदुरले प्रहरीलाई खबर गरेका थिए ।

प्रहरीले स्काभेटरको प्रयोग गरी गेटभल्व रहेको ठाउँमा खनेर दुवैजनालाई बाहिर निकालेको थियो । दुईजनामध्ये १ जनाको बाहिर निकालेर उपचार गर्न लैजाने क्रममा बाटोमा र अर्काको महाराजगञ्जस्थित त्रिवि शिक्षण अस्पतालमा मृत्यु भएको प्रहरीले जनाएको छ ।