विमानभित्रै पूर्वमन्त्री विष्टलाई हृदयाघात, विमान आकस्मिक अवतरण

काठमाडौं । पूर्वमन्त्री तप्तबहादुर विष्टलाई हृदयघात भएको छ। पूर्व सूचना तथा सञ्चार राज्यमन्त्री विष्ट आइतबार दिउँसो बुद्ध एयरको उडानमार्फत नेपालगञ्जबाट काठमाडौँ आउने क्रममा हृदयाघात भएपछि भैरहवा विमानस्थलमा विमानलाई आकस्मिक अवतरण गरिएको छ ।

जहाज उडिरहँदा हृदयाघात भएपछि बुद्ध एयरको सो उडान भैरहवा विमानस्थलमा अपरान्ह आकस्मिक अवतरण गरिएको थियाे । उनको भैरहवास्थित युनिभर्सल कलेज अफ मेडिकल साइन्स अस्पतालमा उपचार भइरहेको छ। स्वास्थ्य जाँचपछि अवस्था सुधारउन्मुख रहेको अस्पताल स्रोतले जानकारी दिएको छ ।

उनलाई थप उपचारका लागि काठमाडौँ ल्याउने तयारी भइरहेको भइरहेको छ। चिकित्सकहरूले स्वास्थ्य जाँचपछि उनलाई पहिला गरेको अप्रेशनको साइड इफेक्ट देखिएको बताएका छन् ।

दोस्रो संविधानसभाको निर्वाचनमा सुर्खेत क्षेत्र नम्बर ३ बाट विजयी विष्ट सञ्चार राज्यमन्त्री बनेका थिए।