जलवायु परिवर्तनको असर कम गर्न पोखरी संरक्षण
नेपालबहस संवाददाता
भदौ ११, २०७६ बुधबार १४:३५:५१
११ भदौ, सल्यान । जलवायु परिवर्तनको असर कम गर्न पोखरी संरक्षण कार्य शुरु गरिएको छ । गाउँमा पानीका मुहान सुक्दै जान थालेपछि सिद्धकुमाख गाउँपालिका–३ का स्थानीयवासीले पुराना पोखरीको संरक्षणका लागि अभियान थालेका हुन् ।
जलवायु परिवर्तनका कारण गाउँमा पानीका मुहान सुक्दै जान थालेकाले मुहान संरक्षण गर्नका लागि अभियान चलाएको स्थानीयवासीले बताएका छन् । अहिले स्थानीयवासीले गाउँ तथा सामुदायिक वनका अग्ला स्थानमा पानी संरक्षणका लागि पोखरी निर्माण अभियान तीव्र पारिएको डाँडाकटेरीका छविलाल बोहराले जानकारी दिए।
“गाउँमा पानीका मुहान सुक्न थालेपछि वन्यजन्तु तथा पक्षीले समेत सामुदायिक वन छोडेका छन्, पानी नै नभएपछि स्थानीयवासीसमेत बसाइँ सार्ने मनस्थितिमा पुग्न थालेपछि हामी यसलाई कम गर्न पोखरी संरक्षणमा लागेका हौँ”, बोहराले भने ।
स्थानीयवासीले अहिले हलोगारे सामुदायिक वनमा तीन पोखरी निर्माण गरिसकेका र यसलाई निरन्तरता दिइने उनको भनाइ छ । अग्ला स्थानमा पोखरी निर्माण गर्दा वर्षात्मा पोखरी भरिने र यसले हिउँदमा समेत पानीको अभाव नहुने भएकाले स्थानीयवासीले सो अभियान चलाएका छन् ।
गाउँमा रहेका ७५ घरधुरीबाट जनश्रमदान गरेर पानीका मुहानको संरक्षण गर्ने कार्य पनि सँगै अगाडि बढाइएको स्थानीय खिमबहादुर बोहराले बताए । “हलोगारे सामुदायिक वनको रु एक लाख ४० हजार र स्थानीयवासीको श्रमदानबाट पोखरी निर्माण गरिएको छ, यसले जमीनमा पानी रिचार्ज गर्ने कार्य गर्नेछ”, उनले भने ।
जलवायु परिवर्तनका असर छिटो–छिटो देखिन थालेका र त्यसले पानीका प्राकृतिक स्रोत पनि सुक्दै गइरहेका बेला यसलाई कम गर्न पानी संरक्षणलाई स्थानीयवासीले प्राथमिकता दिएका हुन् ।
गाउँमा भएका पुराना पोखरी पुरिदै गएकाले त्यस्ता पुराना पोखरीहरुको पनि स्तरोन्नति गरिएको वडा नं ३ का वडाध्यक्ष शालिकराम बुढाथोकीले जानकारी दिए । “वर्षात्को समयमा पानी सङ्कलन हुने गरी हलोगारे, जलुके, दुइटी पोखरीमा पोखरी निर्माण गरिएको छ, यसका साथै पुराना चार पोखरीको समेत स्तरोन्नति गरिएको छ”, उनले भने ।
पानीका स्रोत कम भएपछि स्थानीयवासीले पशुपालन गर्नेको सङ्ख्यामा कमी आउन थालेको वडाध्यक्ष बुढाथोकीले बताए । “अहिले स्थानीय समुदायले अभियान चलाएर पोखरी निर्माणकार्य गरिरहेका छन्, यसमा गाउँपालिकाले आगामी दिनमा पनि साथ र सहयोग दिनेछ”, वडाध्यक्ष बुढाथोकीले भने, “यसका साथै पानीका मुहानल संरक्षण गरी बिरुवा लगाइएको छ ।” चालू आवमा पोखरी संरक्षणका लागि गाउँपालिकाले समेत बजेट विनियोजन गरेको उहाँको भनाइ छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपमदिरा र सुर्तीजन्य वस्तुमा कर वृद्धि
जेठ १५, २०८१ मंगलबार
बजेटबारे नेताहरूको मिश्रित प्रतिक्रिया : कोही भन्छन्- राम्रो, कोही भन्छन् नराम्रो !
जेठ १५, २०८१ मंगलबार
सूचना प्रविधि आर्थिक विकासको रुपान्तरणकारी क्षेत्रमा समावेश
जेठ १५, २०८१ मंगलबार
सशस्त्रमा आईजीपी अर्याल विरुद्ध मोर्चाबन्दी !
नेपालबहस संवाददाता
जेठ १६, २०८१ बुधबार
घट्यो पेट्रोलियम पदार्थको मूल्य, ग्यासको यथावत
नेपालबहस संवाददाता
जेठ १८, २०८१ शुक्रबार
घट्यो पेट्रोलियम पदार्थको मूल्य, ग्यासको यथावत
जेठ १८, २०८१ शुक्रबार
बजेट सच्याउने निर्णय गराएर करका दरमाथि खेल्दै अर्थमन्त्री, 'टाइपिङ इरर' भएको बहाना
जेठ १८, २०८१ शुक्रबार
गृहमन्त्रीको नजरः सुन तस्करीमा संलग्न निजामतिलाई काखा, प्रहरीलाई पाखा
जेठ १८, २०८१ शुक्रबार
कृषकलाई हाते ट्र्याक्टर वितरण
जेठ १९, २०८१ शनिबार
मनाङ घुम्न गएका युवक चार दिनदेखि सम्पर्कविहीन
जेठ १९, २०८१ शनिबार
टी-२० विश्वकप: कुन देशले कति पटक जिते ?
जेठ १९, २०८१ शनिबार
कस्तो छ आजको मौसम पुर्वानुमान ?
जेठ १९, २०८१ शनिबार
तपाईको आजको राशीफल कस्तो छ ?
जेठ १९, २०८१ शनिबार
समयमै क्यासिनो नवीकरणको आवेदन नदिए इजाजतपत्र खारेज हुने
जेठ १८, २०८१ शुक्रबार