बैंकको जागीर छाडेर कृषि ब्यबसायमा स्याङ्जाका भरत

९ माघ, काठमाडौं । वैदेशिक रोजगारमा जानै पर्ने एक जमानामाको लहर जस्तै यतिबेला युवाहरु कृषि ब्यबसाय गर्नैपर्ने जसरी लाग्न थालेका छन् । अन्यत्र गरिने जागिर छाडेर युवाहरुको कृषि ब्यबसाय तिरको लहर उर्लदो छ ।

कसैले वैदेशिक रोजगारबाट फर्केर त कसैले भएका जागिरनै छाडेर युवाहरु कृषि ब्यबसाय आकर्षक बन्दै गएका हुन् । देशमा नयाँ संविधान जारीपछि सरकारले कृषि क्षेत्रलाई प्रोत्साहन गर्ने भनेपनि कृषि ब्यबसायतिर आकर्षक भएका युवाले सरकारको त्यो स्वाद चाख्न पाएका छैनन् । नातावाद कृपावादले देशलाई गाजेको हुँदा असली कृषक थिम सरकारको योजना पुग्न नसकेको व्यावसायिक कृषिमा लागेका युवाहरुको गुनासो छ । साच्चिकै देशलाई समृद्धि बनाउने हो भने युवालाई कृषिमा आक्रषण गर्नुपर्ने उनिहरुको सुझाव छ ।

चार बर्ष देखि गर्दै आएको बैंकको जागिर छोडेर आठ रोपनी जग्गा भाडामा लिएर टर्की र कुखुरा पालन ब्यबसायमा लागेका स्याङ्जा जिल्ला गल्याङ नगरपालिका तीन बल्पुकका भरत बस्याल यतिबेला टर्की र कुखुराको स्याहारसुसारमा ब्यस्त छन् । आत्मनिर्भरको लागी ब्यबसाय उतम क्षेत्रभन्ने ठानेर २५ बर्षको उमेरदेखिनै व्यावसायिक टर्की र कुखुरा पालनमा लागेकाउनि डेढ बर्ष देखि निरन्तर यहि पेशामा छन् । गल्याङ बजारबाट करिब एक किलोमीटर दुरिमा सिद्धार्थ राजमार्गदेखि करिब १५० मिटरको दुरिमा रहेको बस्याल पोल्टी फोममा यतिबेला ५ सय टर्की, २२ सय लोकल कुखुरा र ५ सय लोकल अन्डा दिने कुखुरा रहेका छन् ।

नेपालमा बढ्दो मासुको मागलाई परिपुर्ति गर्न यहि पेशा उतम देखेर लागेका उनिले स्थानीय बजारमा उत्पादित मासु पठाउने गर्छन् । सरकारले युवाहरूलाई कृषि क्षेत्रमा आक्रर्षण गर्न विभिन्न योजनाहरु ल्याएको भएतापनी उनले अहिलेसम्म कहिकतैबाट सरकारी सहयोग नपाएको बताउँछन् । नेपालबहस सगं कुराकानी गर्दै उनले भने “नेपाल सरकारले ल्याएको योजना असली कृषकसगं पुग्न सकेको छैन । “ सरकारले असली कृषक पहिचान गरि त्यस्ता कृषकहरुलाई अनुदानको ब्यबस्था मिलाउन सके देशले बिकासको क्षेत्रमा फड्को मार्ने उनले बताए ।