प्राइमको नाफा २२ प्रतिशतले बढ्यो

१९ माघ काठमाडौं । प्राइम कमर्सियल बैंकले चालु वर्षको पहिलो ६ महिनामा १ अर्ब ३० करोड ७ लाख ८७ हजार ३ सय ८४ रुपैयाँ खुद मुनाफा आर्जन गरेको छ ।
बैंकले अघिल्लो वर्षको दोस्रो तीन महिनामा गरेको नाफाभन्दा २२.६१ प्रतिशतले नाफा बढाएको हो । अघिल्लो वर्षको सोही अवधिमा बैंकको नाफा १ अर्ब ६ करोड ८ लाख ९६ हजार ७९० रुपैयाँ रहेको थियो । चालू आवको पहिलो ६ महिनामा बैंकको नाफा बढ्नुको कारण ब्याज आम्दानी र सञ्चालन मुनाफा रहेको बैंकले प्रकाशन गरेको वित्तीय विवरणमा देखिन्छ ।

४ प्रतिशतले बढेर २ अर्ब १६ करोड ४६ लाख १० हजार ३६ रुपैयाँ पुगेको छ भने सञ्चालन मुनाफा पनि २२ दशमलब ४० प्रतिशतले बढेर १ अर्ब ८५ करोड ३७ लाख ५६ हजार ६२ रुपैयाँ पुगेको छ । बैंकको चुक्तापुँजी ९ अर्ब ६८ करोड ६८ लाख ५१ हजार ७ सय रुपैयाँ रहेको छ ।

यस अवधिसम्म बैंकले ८० अर्ब ३४ करोड ३५ लाख ३४ हजार ९ सय ६० रुपैयाँ निक्षेप संकलन गरी ८० अर्ब ९१ करोड ५४ लाख ४२ हजार ९ सय १७ रुपैयाँ कर्जा लगानी गरेको छ । बैंकको प्रतिसेयर आम्दानी ४५ पैसाले बढेर २६ रुपैयाँ ८६ पैसा पुगेको छ भने खराब कर्जा १ दशमलब ५८ प्रतिशतबाट घटेर १ दशमलब ४५ प्रतिशत रहेको छ ।