नेपालमा तेस्रो संक्रमित फेला परे

१२ चैत्र, काठमाडौं । विश्वभर महामारीका रुपमा फैलिएको कोरोना भाइरसबाट नेपालमा संक्रमित थप एकजना फेला परेको शुक्रराज ट्रपिकल तथा सरुवा रोग अस्पताल टेकुले जनाएको छ । अस्पतालले औपचारिक रुपमा जानकारी नदिएपनि एकजना चिकित्सकले यसको पुष्टी गरेका छन् ।

प्रयोगशालाका सूचना अधिकारी राजेशकुमार गुप्ताले सञ्चारकर्मीहरुलाई दिएको जानकारी अनुसार, आज बुधबार थप एकजनामा कोरोना भाइरसको पोजेटिभ रिपोर्ट आएको हो । ती संक्रमितलाई आइसोलेसनमा राखेर उपचार भइरहेको पनि उनले बताए ।

तर तेस्रो व्यक्तिको पहिचान भने खुलाइएको छैन । यही चैत ४ मा फ्रान्सबाट आएकी एक युवतीमा समेत कोरोना संक्रमण पत्ता लागेको थियो । यसअघि दुई महिना अगाडि पनि चीनको बुहानबाट आएका एक नेपाली विद्यार्थीमा पहिलो पटक कोरोना भाइरसको संक्रमण फेला परेको थियो ।

अहिले उनी निको भइसकेका छन् भने फ्रान्सबाट आएकी युवतीको उपचार भईरहेको छ । उनको अवस्था सुधारउन्मुख रहेको अस्पतालले जनाएको छ । पछिल्लो पटक भेटिएका तेस्रो संक्रमितबारे अस्पतालले धेरै जानकारी दिईसकेको छैन ।