स्वास्थ्यमन्त्री ढकालबिरुद्ध अख्तियारमा उजुरी
नेपालबहस संवाददाता
चैत १९, २०७६ बुधबार २१:४४:४१
१९ चैत्र, काठमाडौं । कोरोना भाइरस संक्रमणसँग जुध्न आवश्यक स्वास्थ्य सामग्री खरिद गर्दा भ्रष्ट्राचार गरेको भन्दै स्वास्थ्य तथा जनसंख्या मन्त्री भानुभक्त ढकालबिरुद्ध अख्तियार दुरुपयोग अनुसन्धान आयोगमा उजुरी परेको छ ।
विवेकशील नेपाली दलका बाग्मती संयोजक समेत रहेका प्रदेश सासंद रमेश पौडेलले दिएको उजुरीमा चीनबाट खरिद गरिएको स्वास्थ्य सामग्री बजारभाउ भन्दा अचाक्ली महंगो भएकाले त्यसमा भ्रष्ट्राचार भएको हुनसक्ने भन्दै छानविनको माग गरिएको छ । विद्युतीय सञ्चारका रुपमा रहेको आयोगको वेबसाइटमार्फत सांसद पौडेलले उजुरी दिएको पुष्टी प्रवक्ता प्रदीपकुमार कोइरालाले गरेका छन् ।
उजुरीमा भनिएको छ – तीन महिना अघि नै स्वास्थ्य तथा जनसंख्या मन्त्रालयले खुलाएको टेण्डर रद्ध गरी कोरोनाको अत्यधिक त्राशको वातावरण तयार गरी आफू निकट व्यापारीसँग सेटिङ मिलाएर आकस्मिक रुपमा गुणस्तरहिन सामग्री ल्याउनुले नै भ्रष्ट्राचार भएको पुष्टी हुन्छ । साथै वाणिज्य विभागमा दर्ता समेत नरहेको कम्पनीलाई हावाका भरमा स्वास्थ्य सामग्री आपूर्तिको अनुमति दिनु नै भ्रष्ट्राचार को बलियो आधार भएको भन्दै उजुरीमा विश्व स्वास्थ्य संगठनले अनुमति नदिएको ¥यापिट टेष्टिङ किट ल्याएर करोडौं रुपैयाँ भ्रष्ट्राचार गरेकाले मन्त्री विरुद्ध छानविन गरियोस् भनी उल्लेख छ ।
उजुरीपत्रमा सांसद पौडेलले यो प्रकरणमा प्रधानमन्त्री केपी ओलीले मन्त्री र सरकारी संयन्त्रलाई जोगाउने खालको अभिव्यक्ति दिएकोमा समेत आपत्ति जनाएका छन् । अख्तियारका प्रवक्ता कोइरालाले प्राप्त उजुरीमाथि छानविन हुने बताएका छन् । तर अख्तियारप्रति सर्वसाधारणको विश्वास भने अहिले खस्किएको अवस्था छ । भर्खरै मात्र छानविन गरी मुद्धा दर्ता भएको बहुचर्चित ललिता निवास प्रकरणमा अख्तियार सरकारको लाचार छायाँ बनेको आरोप लागेको छ । यही प्रकरणमा समेत छानविन गर्न अख्तियारले चासो देखाएको थिएन ।
स्वास्थ्य मन्त्रालयले सामान खरिद गर्दा व्यापक भ्रष्ट्राचार गरेको तथ्याङ्क नेपालबहस लगायत धेरै सञ्चारमाध्यमले सप्रमाण संप्रेषण गर्दा पनि चासो देखाएको थिएन । जबकी अख्तियारले सञ्चारमाध्यममा आएका सामग्रीका आधारमा स्वयं छानविन गर्नसक्ने कानूनी व्यवस्था रहेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपच्याङ्ग्रा पस्मिना निर्यातसम्बन्धी निर्देशिका सार्वजनिक
जेठ २, २०८१ बुधबार
नेपालमा लगानी गर्न पोल्याण्डलाई चेम्बर अफ कमर्सको आग्रह
जेठ १, २०८१ मंगलबार
महत्वाकांक्षी लक्ष्यसहित तयार भयो सोह्रौँ पञ्चवर्षीय आवधिक योजना
बैशाख ३१, २०८१ सोमबार
गिरीबन्धु टि स्टेटको जग्गा किनबेचमा पुनरावलोकन गर्न नपाइने, नैतिक संकटमा ओली
जेठ २, २०८१ बुधबार
भान्सामा राखिएका यी चिजले घरमा गरिबी ल्याउछ आजै हटाउनुहोस्
जेठ २, २०८१ बुधबार
पेट्रोलियम पदार्थको मूल्य घट्यो
जेठ २, २०८१ बुधबार
राजस्थानमाथि पञ्जाव ५ विकेटले विजयी
जेठ ३, २०८१ बिहिबार
तपाईको आजको राशीफल कस्तो छ ?
जेठ ३, २०८१ बिहिबार
सुदूरपश्चिमका मुख्यमन्त्री सोडारीले आज विश्वासको मत लिने
जेठ ३, २०८१ बिहिबार
प्रतिनिधिसभाको बैठक आज बस्दै, कांग्रेसको अवरोधले चल्छ त संसद ?
जेठ ३, २०८१ बिहिबार
१० महिनामा एक लाख ७७ हजार पर्यटकद्वारा अन्नपूर्ण क्षेत्रको भ्रमण
जेठ ३, २०८१ बिहिबार
कस्तो छ आजको मौसम ?
जेठ ३, २०८१ बिहिबार