भाइरसले राष्ट्रिय भिटामिन ‘ए’ कार्यक्रम स्थगित

२३ चैत्र, काठमाडौं । स्वास्थ्य तथा जनसंख्या मन्त्रालयले ‘राष्ट्रिय भिटामिन ए’ कार्यक्रम अनिश्चितकालसम्मका लागि स्थगित गरेकाे जनाएकाे छ । मन्त्रालयले विश्वव्यापी रूपमा कोरोना भाइरसले महामारी लिइरहेकाे बेला भाइरस रोकथाम र नियन्त्रणका लागी निर्धारित कार्यक्रम स्थगित गरेको हो ।

एक सुचना जारी गर्दै स्वास्थ्य तथा जनसंख्या मन्त्रालयले विश्वव्यापी रूप लिइरहेको कोरोनाप्रति सतर्कता अपनाउँदै निर्धारित कार्यक्रम स्थगित गरिएको जनाएको छ ।

स्वास्थ्य मन्त्रालयले स्थगित कार्यक्रमबारे संघीय मामिला तथा सामान्य प्रशासन मन्त्रालय, मुख्यमन्त्री कार्यालयलगायतलाई पत्राचार गर्दै परिस्थितिमा सुधार आएपछि कार्यक्रम सञ्चालन हुने जनाएको छ ।

मन्त्रालयले आउँदो वैशाख ६ र ७ गतेका लागि राष्ट्रिय भिटामिन ए कार्यक्रम संचालन गर्ने तयारी गरे पनि सरकारले गरेको लकडाउनका कारण निर्धारित कार्यक्रम स्थगित गरेको हो ।