लकडाउन पालन गराउने क्रममा आत्तिएर एक महिलाको मृत्यु, कोशी तटबन्धमा बेवारिसे शव
नेपालबहस संवाददाता
बैशाख १, २०७७ सोमबार २३:३६:४१
♦ धीरुभाई
१ बैशाख, सप्तरी । सप्तरीको खडक नगरपालिकामा सोमबार एक बृद्धा महिलाको मृत्यु भएको छ । कोरोना भाइरस फैलिन नदिन जारी लकडाउन पालना गराउने क्रममा खटिएको प्रहरी टोलीबाट त्रसित भएर उनको मृत्यु भएको बताइएको छ ।
जिल्लाको खडक नगरपालिका वडा नम्बर–६ बिरपुर बस्ने कमरुउदिन मियाँकी ६५ वर्षिया श्रीमति वृद्धा जैनव खातुन (कुजर्नी) को मृत्यु भएको हो । मृतकका छोरा नसिमले घर अगाडि रहेको ट्रयाक्टरभित्र लग्ने क्रममा प्रहरी टोली आइपुगेको र सोही क्रममा प्रहरीले नसिमलाई लाठीले कुट्न लाग्दा जैनव बचाउन जाँदा बेहोस भएर ढलेको बताइएको छ ।
बेहोस भएर ढलेकी जैनवलाई तत्कालै स्थानीय एडभान्स अस्पताल भर्ना गरिएको थियो । थप उपचारका लागि राजविराजस्थित गजेन्द्रनारायण सिंह अस्पताल लगिने क्रममा बाटोमै मृत्यु भएको बताइएको छ । मृतक जैनव मुटु र दमको रोगी रहेकोले हृदयघात भएको हुन सक्ने अस्पतालले जनाएको छ ।
सो सम्बन्धमा जिल्ला प्रहरी कार्यालय सप्तरीका प्रवक्ता प्रहरी नायब उपरीक्षक तिलक भारतीले लकडाउन पालना गराउने क्रममा घरबाट बाहिर सडकमा लकडाउन उल्लंघन गरी छ÷सात जना बसिरहेको अवस्थामा प्रहरी टोलीले सम्झाउने क्रममा सामान्य वादविबाद उत्पन्न भएको बताए । सोही क्रममा जैनव उच्च रक्तचापका कारण बेहोस भई जमिनमा ढलेको बताइएको छ । राजविराजस्थित गजेन्द्रनारायण सिंह अस्पतालमा उपचारको क्रममा उनको मृत्यु भई पोष्टमार्टमका लागि अस्पतालमै शव राखिएको बताइएको छ ।
कोशी तटबन्धमा युवकको शव फेला, हत्या गरिएको आशंका
यता सप्तरीको हनुमाननगर कंकालीनी नगरपालिका वडा नं. १ पूर्व कोशीको पश्चिमी तटबन्धमा सोमबार बिहान एक व्यक्तिको शव भेटिएको छ । शवको प्रकृति अनुसार कसैले हत्या गरेको हुनसक्ने अनुमान गरिएको छ ।
युवकको शव हनुमाननगर कंकालिनी नगरपालिका वडा नं. १ का जानौं साह स्वर्णकारका १५ वर्षीय छोरा सुरज साहको रहेको छ । युवकको मुखमा चोट देखिएकोले थप अनुसन्धान भईरहेको इलाका प्रहरी कार्यालय कञ्चनपुरका प्रहरी नायब उपरीक्षक मकेन्द्रकुमार मिश्रले जानकारी दिए ।
शव फेला परेको स्थल तटबन्धमा रगतका छिटा समेत देखिएकोले अनुसन्धानका लागि प्रदेश प्रहरी कार्यालयबाट तालिम प्राप्त कुकुरबाट अनुसन्धान सुरु गरिएको उनले बताए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपअनलाइन सट्टेबाजीमा २ अर्बमाथि अवैध कारोबार गरेको आरोपमा काभ्रेका मदन ढुंगाना पक्राउ
बैशाख ३१, २०८१ सोमबार
नागरिकलाई केन्द्रबिन्दुमा राखेर कार्यसम्पादन गरौँ : आईजीपी कुँवर
बैशाख ३०, २०८१ आइतबार
एआईजीहरुले लगाए बढुवाको दर्ज्यानी चिह्न
बैशाख ३०, २०८१ आइतबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
नेपालबहस संवाददाता
बैशाख ३०, २०८१ आइतबार
वर्षासँगै काठमाडौंको प्रदूषण कम हुँदै, ५० औँ स्थानमा सूचीकृत
नेपालबहस संवाददाता
बैशाख ३०, २०८१ आइतबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
नेपालबहस संवाददाता
बैशाख ३०, २०८१ आइतबार
आज सुनको मूल्य घट्यो, कतिमा हुँदै छ कारोबार ?
जेठ १, २०८१ मंगलबार
दैनिक सूर्य नमस्कार गर्दा यी १० समस्याबाट छुटकारा मिल्छ
जेठ १, २०८१ मंगलबार
बबईमा डुबेर दाजुभाइको मृत्यु
जेठ २, २०८१ बुधबार
लखनउमाथि दिल्ली १९ रनले विजयी
जेठ २, २०८१ बुधबार
हरित रोजगारीका निम्ति कोरियाले ९८ लाख डलर दिने
जेठ २, २०८१ बुधबार
कस्तो छ आजको मौसम ?
जेठ २, २०८१ बुधबार
सन्दीप लामिछानेको मुद्दामा आज पनि सुनुवाइ हुँदै,
जेठ २, २०८१ बुधबार
तपाईको आजको राशीफल कस्तो छ ?
जेठ २, २०८१ बुधबार