सीमानाका सिल गर्नका लागि थप सशस्त्र प्रहरी परिचालन

४ वेशाख काठमाडौं । कोरोना भाइरसको फैलावट रोक्नका लागि बन्द गरिएको नेपाल भारत सीमानाकामा सशस्त्र प्रहरीको फौज परिचालन गरिएको छ ।

नेपाल भारत सीमानाका सिल गर्नका लागि ७ वटै प्रदेशस्थित बाहिनी मुख्यालय तथा त्यसमातहतका गण, गुल्म तथा तालिम केन्द्रबाट थप ८ हजार ३ सय ८३ जना सशस्त्र प्रहरी परिचालन गरिएको हो ।

नाका बन्द भएपनि लुकीछिपि नेपाल छिर्ने क्रम नरोकिएपछि गृहमन्त्रालयले सीमानाका सिल गर्नका लागि थप सशस्त्र प्रहरी परिचालन गर्ने निर्णय गरेको थियो । अहिले प्रत्येक एक किलोमिटरमा शसस्त्र प्रहरीको टोली खटिएको छ । लकडाउनअघि यो दूरी १० किलोमिटरसम्म थियो ।