स्वास्थ्यमन्त्रीको रणनीति, सेनाको आडमा निजी क्षेत्रसँग साँठगाँठ
कुसुम सेञ्चुरी
बैशाख ५, २०७७ शुक्रबार १७:४८:४१
५ बैशाख, काठमाडौं । नेपाली सेनालाई चरम विवादमा तानेर सरकारले निजी क्षेत्रमार्फत स्वास्थ्य सामग्री मगाएको छ । नेपाल वायुसेवा निगमका दुईवटा वाइड बडी विमान चीनको गोन्जाओबाट अहिले बिहान निजी क्षेत्रको लागि स्वास्थ्य सामग्री लिएर आइपुगेको छ ।
एकातिर सेनामार्फत जी टू जी अर्थात सरकार–सरकार तहमा सामग्री ल्याउने गरी सेनालाई अग्रसर गराउने अनि सामान चाहिं निजी क्षेत्रमार्फत खरिद गर्ने केपी ओली सरकारको दोहोरो चरित्रले विवाद अझै बढाएको छ । यसअघि स्वास्थ्य मन्त्री भानुभक्त ढकालको स्वार्थमा गत चैत १६ गते ओम्नी समूहसँग स्वास्थ्य सामग्री ल्याउन सम्झौता गरिएको थियो । तर ओम्नीले महंगो र गुणस्तरहिन सामान ल्याएपछि सर्वत्र चर्काे विरोध भएको थियो । बिरोध थाम्न नसकेपछि सरकारले ओम्नीसँगको सम्झौता रद्ध गरेको थियो । साथै आलोचनाबाट जोगिन नेपाली सेनालाई स्वास्थ्य सामग्री खरिद गर्न निर्देशन पनि दियो सरकारले ।
तर यो केपी ओली सरकारको अर्काे चालबाजी मात्र थियो । मौकामा चौका हान्नुपर्छ भन्ने कम्युनिष्ट सिद्धान्तलाई ओलीले त्याग्ने कुरै भएन । त्यसैले सेनाको आडमा स्वार्थ पूरा गर्ने रणनीति बनाइएको छ । एकातिर सेनालाई देखाउने अर्कातिर निजी क्षेत्रमार्फत सामान मगाएर कमिशन बजाउने नीति अपनाइएको छ । जसले गर्दा नेपाली सेनाको जनमानसमा साख र विश्वास ध्वस्त होस् भन्ने ओलीको चाहना प्रष्टै देखिएको छ ।
सेना भने तीन साता वितिसक्दा पनि खरिद प्रक्रिया मिलाउने झण्झटबाटै उम्किन सकेको छैन । सेनालाई विवादमा तान्न पाए कम्युनिष्ट शैलीको शासन गर्न पाइने सोच र धारणा सत्ताधारी वर्गमा रहेको प्रतीत हुन्छ । यसबाट स्पष्ट हुन्छ, सेनालाई गलत बाटोतिर डो¥याएर ओली नेतृत्वको सरकार आफ्नो स्वार्थ पूरा गर्दैछ । सेनाले ल्याउने भनिएका सामान निजी क्षेत्रले ल्याउने क्रम जारी छ ।
ती सामान लिंदा सरकारलाई गतिलो कमिशन आउँछ – स्वास्थ्य मन्त्रालयका एक अधिकारीले आफ्नो नाम गोप्य राख्ने शर्तमा नेपालबहस डटकमसँग भने । नेपाली सेना जस्तो तटस्थ र जनताको भरोशायोग्य संस्थालाई अनावश्यक रुपमा विवादमा तान्ने योजनाबद्ध तयारी स्वास्थ्यमन्त्रीले गरेको खुलासा उनले गरेका छन् । ओम्नीले ल्याएको सामान विवादास्पद भएपछि छटपटाएका स्वास्थ्य मन्त्री ढकालले आफू निकटस्थलाई मन्त्रालयमै बोलाएर यस्तो योजना बनाएको जानकारी उनले दिएका छन् ।
उक्त छलफलमा भेला भएका मध्ये स्वास्थ्य मन्त्रालयका सचिव यादवप्रसाद कोइरालाले सेनालाई जिम्मा दिँदा उसले समयमा ल्याउन नसक्ने र निजी क्षेत्रमार्फत लिन सकिने राय दिएका थिए – स्रोतको भनाई छ । त्यसैले सेनाको काँधमा बन्दूक राखेर स्वास्थ्य मन्त्रीले गोली चलाए भन्दै उनले भने –यसबाट बद्नामी भए सेनाको हुने राम्रो भए सरकारले जश लिन पाउने तर्क सचिव कोइरालाले दिएका थिए ।
सेनालाई स्वास्थ्य सामग्री किन्न निर्देशन दिइएपनि अहिलेसम्म रकम निकासा गरिएको छैन भन्दै स्रोत भन्छ– योजनाबद्ध रुपमै सेनाको छवि धुमिल पार्ने चाला हो । सेनालाई पक्रियागत झण्झटमा अल्मल्याएर निजी क्षेत्रसँग आवश्यक सबै सामग्री किन्ने दोहोरो नीति लिइएको छ – उनले भने । सरकारले स्वास्थ्य सामग्री खरिद प्रक्रिया अगाडि बढाउन सेनालाई निर्देशन दिएलगत्तै त्यसको चौतर्फी आलोचना भएको थियो ।
तर सेनाले सरकारको निर्देशन बमोजिम प्रक्रिया अगाडि बढाएको छ । जंगी अड्डाले सरकारी निर्देशन पाएपछि चीन, भारत, इजरालय लगायतका मुलुकसँग औषधि तथा स्वास्थ्य उपकरण खरिद गर्न पत्राचार गरेको थियो । ती मध्ये चीन र भारतले सेनाले मागेअनुसारको सामग्री पठाउन सकिने जानकारी समेत दिइसकेका छन् । सोही बमोजिम सम्बन्धित उत्पादक कम्पनीसँग पत्राचार भइसकेको छ । तर नेपाल सरकारले न बजेट उपलव्ध गराएको छ न प्रक्रियागत झमेलाबाट उन्मुक्ति नै दिलाएको छ ।
यसले गर्दा सेना अनावश्यक रुपमा विवादमा तानिने अवस्था छ । निजी क्षेत्रले भटाभट ल्याउने तर सेना भने केही गर्न नसक्ने विचित्रको वातावरण तयार गरिएको छ ।
कुसुम सेञ्चुरी
नेपालबहस डटकमकी समाचार सम्पादक/ समाचार प्रमुख कुसुम सेञ्चुरी राजनीति तथा समसामयिक विषयवस्तुमा कलम चलाउँछिन् । फुलवारी एफएमदेखि रेडियो पत्रकारिता शूरु गरेकी कुसुमले रासस, रेडियो अन्नपूर्ण र देशान्तर एफएममा पनि काम गरेकी छन् । केही समय उनले नाइस टीभीमा समाचार प्रस्तोताको रुपमा पनि कुशलतापूर्वक जिम्मेवारी निभाएकी छन् ।
लेखकबाट थपनेपालमा लगानी गर्न पोल्याण्डलाई चेम्बर अफ कमर्सको आग्रह
जेठ १, २०८१ मंगलबार
महत्वाकांक्षी लक्ष्यसहित तयार भयो सोह्रौँ पञ्चवर्षीय आवधिक योजना
बैशाख ३१, २०८१ सोमबार
सुनकोसी मरिण डाइभर्सन सुरुङको आज 'ब्रेक थ्रू' हुँदै
बैशाख २६, २०८१ बुधबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
नेपालबहस संवाददाता
बैशाख ३०, २०८१ आइतबार
वर्षासँगै काठमाडौंको प्रदूषण कम हुँदै, ५० औँ स्थानमा सूचीकृत
नेपालबहस संवाददाता
बैशाख ३०, २०८१ आइतबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
नेपालबहस संवाददाता
बैशाख ३०, २०८१ आइतबार
आज सुनको मूल्य घट्यो, कतिमा हुँदै छ कारोबार ?
जेठ १, २०८१ मंगलबार
क्रिकेटर सन्दीप लामिछानेको मुद्दा हेर्दाहेर्दैमा
जेठ १, २०८१ मंगलबार
लखनउमाथि दिल्ली १९ रनले विजयी
जेठ २, २०८१ बुधबार
हरित रोजगारीका निम्ति कोरियाले ९८ लाख डलर दिने
जेठ २, २०८१ बुधबार
कस्तो छ आजको मौसम ?
जेठ २, २०८१ बुधबार
सन्दीप लामिछानेको मुद्दामा आज पनि सुनुवाइ हुँदै,
जेठ २, २०८१ बुधबार
तपाईको आजको राशीफल कस्तो छ ?
जेठ २, २०८१ बुधबार
सरकारको प्राथमिताः गोलीगठ्ठा उत्पादनमा स्वदेशमै आत्मनिर्भर
जेठ १, २०८१ मंगलबार