कोरोनाको त्रासले सप्तरीमा थप चार वटा टोल सिलबन्दी

धीरुभाइ

७ बैशाख सप्तरी । जिल्लामा एक दर्जन मानिसमा कोरोना संक्रमण पुष्टि भएपछि सप्तरीको थप चार वटा टोललाई शनिबार सिलबन्दी गरेको छ । जिल्लामा सिलबन्दी भएको टोलको सख्या छ पुगेको छ ।  शनिबार दिउँसो जिल्ला संकट व्यवस्थापन समितिको बैठकले थप चार टोललाई सिलबन्दी गर्ने निर्णय गरेको छ । यस भन्दा अघि दुई वटा टोलमा सिलबन्दी जारी रहेकोल सिलबन्दी भएको टोलको संख्या आधा दर्जन पुगेको हो ।

जिल्लाको सप्तकोसी नगरपालिकाका तीन वटा टोल, र कञ्चनरुप नगरपालिकाको एउटा टोल बैठकले कोरोना संक्रमणको त्रासले सिलबन्दी गरेको छ । शनिबारबाटै लागू हुने गरी चार टोललाई सिलबन्दी गरको जिल्ला प्रशासन कार्यालय सप्तरीका सूचना अधिकारी आनन्द ठाकुरले जानकारी दिए ।

सप्तकोसी नगरपालिकाको वार्ड नम्बर १ फत्तेपुर बजार, वार्ड नं. २ सिद्धिपुर, वार्ड नं. ४ बलारदह र कञ्चनरुप नगरपालिका २ बरमझिया टोललाई समितिले सिलबन्दी गरिएको उनले जानकारी दिए । शुक्रबार उद्यपुर जिल्लाको भुल्के स्थित मस्जिदमा १२ जनामा कोरोना भाइरस संक्रमण पुष्टि भएपछि जिल्लाको थप चार टोललाई सिलबन्दी गरेको हो ।

त्यस्तै संकट व्यवस्थापन समितिको बैठकले सिलबन्दी गरिएको टोलको मस्जिद वरिपरीका सम्पूर्ण बासिन्दाको आरडीटी र स्बाव संकलन गरी परीक्षण लागि पठाइने निर्णय समेत गरेको छ । यसैगरी नेपाली सेनाको सहयोगमा बोदेबरसाइन नगरपालिका ५ जाँजर वरिपरीवासीको आइतबारदेखि आरडीटी र स्वाब संकलन कार्य सुरु गरिने निर्णय भएको बताइएको छ । सो स्थानमा गत फागुन ३–५ गते मुस्लिम समुदायको इज्तिेमा (इस्लामिक धार्मिक सम्मेलन) आयोजना गरिएको थियो ।

कोरोना भाइरस पुष्टि भएलगतै सप्तरीको सीमा सुरुङ्गा नगरपालिकाको भेडिया र सप्तकोसी नगरपालिकाको फत्तेपुर बजारनाकामा पूर्ण कडाइ गरिएको सप्तरी प्रहरीले जनाएको छ । आवतजावत पूर्ण रुपमा बनद गरिएको छ । यसअघि सप्तकोसी नगरपालिका स्तरीय विपद् व्यवस्थापन समितिले शनिबार बिहानदेखि नगरपालिकाको वार्ड नम्बर १ फत्तेपुर बजार, वार्ड नं. २ सिद्धिपुर र वार्ड नं. ४ बलारदह टोललाई सिलबन्दी गरिएको थियो ।

उद्यपुररका संक्रमितहरु सप्तकोसी र कञ्चनरुप नगरपालिकाको ती वार्डहरुको टोलमा रहेको मस्जिदमा केही दिन बसेर उद्यपुरतिर लागेको थाहा पाएर सिलबन्दी गरिएको हो । उद्यपुरमा पाइएको कोरोना संक्रमितका मानिसहरु ती चार टोलका मस्जिदमा बसेको प्रारम्भिक बयानमा खुलेकोले सिलबन्दी गरेको बताइएकोे छ ।

उद्यपुरमा कोरोना संक्रमित भेटिएका भारतीय तथा नेपाली नागरिकहरु गत फागुन ३–५ गते सप्तरीको बोदेबरसाइन नगरपालिका ५ जाँजर स्थित आयोजित इज्तिेमा (इस्लामिक धार्मिक सम्मेलन) सहभागी भएको थियो । त्यसपछि जिल्लाको विभिन्न मस्जिदमा जमात बस्दै उदयपुर पुगेको बताइएको छ । यसअघि गत बुधबार(३ गते) दुईजना जमातीको ¥यापिड डाइग्नोस्टिक टेस्ट रिपोर्टमा कोरोना पोजेटिभ पाएपछि जिल्लाको तिलाठी कोइलाडी गाउँपालिका १ बेलही टोल र खडक नगरपालिका ११ को जाँजर बनौली टोललाई गरिएको सिलबन्दी अझै जारी रहेको छ ।

गत मंगलबार गरिएको ¥यापिड डाइग्नोस्टिक टेस्ट (आरडिटी)को रिपोर्टमा तिलाठी कोइलाडी गाउँपालिका १ बेलहीका ५८ वर्षीय र खडक नगरपालिका ११ जाँजर बनौलीका ५१ वर्षीय गरी दुई जनामा कोरोनाको पोजेटिभ पाइएको थियो । त्यसपछि धरान स्थित वीपी कोइराला स्वास्थ्य विज्ञान प्रतिष्ठानमा स्वाब परीक्षण गर्दा नेगेटिभ पाइएको छ । सिलबन्दी गरिएका टोलहरुबाट बाहिर कसैलाई निस्किन नदिएको र बाहिरबाट समेत टोल भित्र पस्न दिएको छैन ।