नेपालमा थप दुई जनामा कोरोनाको पुष्टि, संक्रमितको संख्या ४२ पुग्याे 

९ बैशाख काठमाडौं । टेकुस्थित राष्ट्रिय जनस्वास्थ्य प्रयोगशालामा गरिएको परीक्षणका क्रममा थप २ जनाको कोरोना परीक्षण नतिजा पोजेटिभ आएको स्वास्थ्य तथा जनसंख्या मन्त्रालयका प्रवक्ता विकास देवकोटाले पुष्टि गरेका छन् ।

यसअघि केही समयअघि आठ जना गरी आजै १० जनामा कोरोना संक्रमण पुष्टि गरिएको थियो । यसअघि कोरोना संक्रमण गरिएका आठ जना उदयपुरका पुरुष रहेका बताइएको थियो ।

यसअघि नेपालमा कोरोना संक्रमितको संख्या ३२ थियो । नेपालमा हाल कोरोना संक्रमितको संख्या ४२ पुगेको छ । हालसम्म कोरोना संक्रमणको उपचारपछि पाँच जनालाई अस्पतालबाट डिस्चार्ज गरिएको छ ।