थप २ जनामा कोरोना पुष्टि, संक्रमितको संख्या ४७ पुग्यो

११ बैशाख काठमाडौं । उदयपुरमा थप दुई जनामा कोरोना भाइरस संक्रमण पुष्टि भएको छ । यससँगै कुल संक्रमितको संख्या ४७ पुगेको छ । उदपयुरकी ५५ वर्षीया महिला र जनकपुरका १४ वर्षीय किशोरमा संक्रमण देखिएको स्वास्थ्य तथा जनसंख्या मन्त्रालयले जनाएको छ ।

उदयपुरकी संक्रमित त्रियुगा नगरपालिका ३ भुल्केकी हुन् । त्यस क्षेत्रमा अहिलेसम्म २५ जनामा संक्रमण देखिएको छ । उनीहरु सबैको विराटनगरस्थित कोरोना कोराना विशेष अस्थायी अस्पतालमा उपचार भइरहेको छ ।

आज थप दुई जना कोरोना जितेर घर फर्किएका छन । यससँगै नेपालमा कोरोना निको भएर घर फर्किनेको संख्या ९ पुगेको छ ।