नेपालमा थप दुई जनामा कोरोना सङ्क्रमण

१९ बैशाख काठमाडौं । नेपालमा शुक्रबार रुपन्देहीका २५ वर्षीय र बाँकेका ६० वर्षीय पुरुषमा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएकाे छ ।

टेकुस्थित राष्ट्रिय जनस्वास्थ्य प्रयोगशालामा परीक्षणका क्रममा सो सङ्क्रमण देखिएको मन्त्रालयका सहप्रवक्ता डा समिरकुमार अधिकारीले जानकारी दिए । उनले ती दुवैजना स्वास्थ्यकर्मीको निगरानीमा रहेको र अवस्था सामान्य रहेको छ ।

दुई जना थपिएसँगै नेपालमा कोरोना संक्रमितको संख्या ५९ पुगेको छ । तीमध्ये १६ जना उपचारपछि घर फर्किसकेका छन ।