संसदहरुकाे कोरोना परिक्षण जारी, साँझसम्म सबै सांसदको स्वास्थ्य परिक्षण सक्ने तयारी

२५ वैशाख, काठमाडौं । अहिले प्रतिनिधिसभा र राष्ट्रियसभाका सांसदहरुकाे कोरोना भाइरस संक्रमण भए–नभएको थाहा पाउन पीसीआर परीक्षण जारी छ । भोलिबाट संघीय संसदको वर्षे अधिवेशन सुरु हुने भएकाले सांसदहरुको स्वास्थ्य परीक्षण गर्न लागिएको हो ।

राष्ट्रिय सभा सांसदहरुको परीक्षण बिहान १० बजेदेखि परिक्षण सुरु भएको थियो भने प्रतिनिधिसभा सांसदहरुको ११ बजेदेखि पीसीआर प्रविधिबाट कोरोना परीक्षण भइरहेको छ ।

संघीय संसद भवनकै ल्होत्से हलमा कोरोना परीक्षणको व्यवस्था मिलाइएको सूचना अधिकारी दशरथ धमलाले जानकारी दिएका छन् । एकै दिनमा स्वाब संकलन गरिसक्ने सचिवालयको लक्ष्य छ ।