सेभ द चिल्ड्रेनद्वारा प्रदेश सरकारलाई २ सय ६३ सेट पीपीई र स्वास्थ्य सामाग्री हस्तान्तरण

२६ बैशाख, जनकपुरधाम । सेभ द चिल्ड्रेनले प्रदेश २ सरकारलाई कोभिड–१९ ‘कोरोना भाइरस’को संक्रमण रोक्न सघाउने उदेश्यले २ सय ६३ थान व्यक्तिगत सुरक्षा सामग्री र अत्यावश्यक स्वास्थ्य सामग्री प्रदान गरेको छ ।

व्यक्तिगत सुरक्षा सामाग्री तथा अत्यावश्यक स्वास्थ्य सामाग्री प्रदेशका सामाजिक विकास मन्त्री माननीय नवल किशोर साह र सामाजिक विकास मन्त्रालयका सचिव डा. राम प्रसाद घिमिरेको उपस्थितिमा प्रदेश २ सरकारको मुख्यालय रहेको जनकपुरधाम स्थित मधेश भवनमा हस्तान्तरण गरिएकाे हाे ।

सामग्री हस्तान्तरण कार्यक्रममा बोल्दै मन्त्री साहले सेभ द चिल्ड्रेनले प्रदान गरेको सहायताले कोभिड–१९ को संक्रमण रोक्न प्रदेश सरकारले सञ्चालन गरेको प्रबद्र्धनात्मक, निरोधात्मक तथा उपचारात्मक अभियानमा सहयोग पुग्ने बताए । उनले विश्वव्यापी महामारीको बेला स्वास्थ्य सामग्रीहरुको अभाव झेलिरहेको प्रदेश सरकारलाई सेभ द चिल्ड्रेनको सहयाताले स्वास्थ्य सेवा सुदृढीकरण गर्न र स्वास्थ्यकर्मीहरुलाई कोभिड–१९ को संक्रमणबाट जोगिन सहयोग गर्ने बताए।

सेभ द चिल्ड्रेनले आफ्नो नियमित र ग्लोबल फण्डको परियोजनाहरुबाट उपलब्ध गराएको व्यक्तिगत सुरक्षा सामाग्री ‘पीपीई’ थान विश्व स्वास्थ्य संगठन र नेपाल सरकारले तोकेको मापदण्ड अनुसार रहेको छ । “प्रदेश २ मा कोभिड–१९ को संक्रमण बढ्दो क्रममा देखिएसँगै धेरै मानिसहरुमा परीक्षण र उपचारको आवश्यकता भएकाले हाम्रो प्राथमिकता
यस महामारीको नियन्त्रणमा प्रदेश सरकारलाई आवश्यक सहयोग गरेका हाे ।

स्वास्थ्यकर्मीहरु आफू र आफ्ना सेवाग्राहीहरुलाई संक्रमणबाट जोगाउन व्यक्तिगत सुरक्षा सामाग्री ‘पीपीई’ प्रयोगमा भर परेका हुन्छन् । सेभ द चिल्ड्रेनको यस सहयोगले कोभिड–१९ को संक्रमण रोक्न मद्दत पुग्ने र नेपालको स्वास्थ्य सेवा प्रवाहलाई सुदृढ बनाउन सघाउने छ ।” हस्तान्तरण कार्यक्रममा सेभ द चिल्ड्रेनको पुर्वाञ्चल फिल्ड कार्यालयका सह–निर्देशक डा अजय कान्तले बताए।