लकडाउनका बेला नर्भिक र मनमोहन अस्पतालको ठगी
नेपालबहस संवाददाता
बैशाख ३०, २०७७ बुधबार १:१७:५६
३० वैशाख, काठमाडौं । विश्वव्यापी कोरोना महामारीले नेपालमा आज ५० औं दिन पनि लकडाउन जारी छ । सरकारी अस्पताल बाहेक अधिकांश निजी स्वास्थ्य संस्थाहरु बन्द प्राय छन् । अरु बेला चर्को शुल्क लिएर स्वास्थ्य परीक्षण र उपचार गर्ने निजी अस्पतालहरु संकटका बेला भने गुमनाम छन् । गरिब, मजदुर र निम्न वर्ग बिहानबेलुकी खान नपाएर राहतको खोजीमा भौतारी रहेका छन् ।
हरेक नागरिक कोरोना महामारीबाट आक्रान्त भैरहेको बेला केही निजी स्वास्थ्य संस्थाहरु भने कमाउने धन्दामा सामेल भएको खबर छ । अरुबेला पनि चर्को शुल्क असुलेर सेवाग्राही ठग्न माहिर मानिएको नर्भिक इन्टरनेशनल हस्पिटल र सत्तारुढ नेकपाका उच्च नेताहरु संलग्न रहेको मनमोहन मेमोरियल अस्पताल भने यही मौकामा जनता ठग्न तल्लीन रहेको पाइएको छ । नर्भिक अस्पताल अर्बपति व्यापारी बसन्त चौधरीको हो ।
आफुलाई कवि, साहित्यकारको उपमा भिराएर हिड्ने बसन्त चौधरीको सो अस्पताल बेलाबेला विभिन्न विवादमा फस्ने गरेको छ । मापदण्ड विपरित अस्पताल भवन बनाएर शक्तिकेन्द्रको भरमा अस्पताल चलाइरहेका चौधरीले यही कोरोना महामारी शुरु भएको केही समय अघि पनि सेवारत नर्सहरुलाई बेतलबी बिदामा बस्न दवाव दिएको तथा केहीलाई जागीरबाटै निश्काशन गरेको समाचार सार्वजनिक भएको थियो ।
यही मेसोमा आज सेवाग्राहीसँग चर्को शुल्क लिएर ठगी गरेको भन्दै वाणिज्य विभागले मनोमोहन मेमोरियल अस्पताल ठमेललाई जरिवाना तोकेको छ । यस्तै चर्को शुल्क असुली ठगी गरेको उजुरीपछि नर्भिक अन्तर्राष्ट्रिय अस्पतालसँग विभागले हिजो ३ दिने लिखित स्पष्टीकरण माग गरेको छ । आज मंगलबार गरिएको अनुगमनमा अल्ट्रा साउण्ड (यूएसजी) सेवा दिँदा धेरै नाफा लिएको पाइएपछि दुई लाख पचास हजार रुपैयाँ जरिवाना गरिएको वाणिज्य आपूर्ति तथा उपभोक्ता संरक्षण विभागले जनाएको छ । अस्पतालले ९ सय रुपैयाँमा शुल्कमा सेवा दिनुपर्नेमा १६ सय रुपैयाँ लिएको थियो ।
स्वास्थ्यकर्मीसहित नियमित बजार अनुगमनमा निस्किएको विभागले बिरामीबाट यी दुई अस्पतालले पहिलेभन्दा चर्को शुल्क लिएको भेटेको थियो । विभागका सूचना अधिकारी रवीन्द्र आचार्यका अनुसार आफ्ना पुराना नियमित बिरामीका लागि वैकल्पिक व्यवस्था गरिएको इमर्जेन्सी ओपिडी सेवामा रु ७५० लिएको भेटिएपछि जवाफ माग गरिएको हो ।
लकडाउनपूर्व हस्पिटलले सेवाग्राहीबाट आकस्मिक सेवाका लागि रु एक हजार २५० र बहिरङ्ग सेवाका लागि रु पाँच सय लिँदै आएको थियो । लकडाउनका कारण सरकारले नै बहिरङ्ग सेवा बन्द गर्ने निर्देशन दिएपछि आकस्मिक बहिरङ्ग सेवा सञ्चालन गरेर रु ७५० लिएर ठगी गरेको अनुगमनका क्रममा भेटिएको उनले जानकारी दिएका छन् ।
दुई पसललाई कारवाही
नियमित बजार अनुगमनका क्रममा आज दुई पसललाई कारवाहीस्वरुप जरिवाना गरिएको छ । बढी मूल्यमा खाद्यपदार्थ बिक्री गरेको भन्दै हात्तीगौँडास्थित बिगमार्टलाई रु तीन लाख र म्याद नाघेका सामान बिक्री गरेको भन्दै बुद्धनगरस्थित हाम्रो किनमेल सपलाई रु दुई लाख जरिवाना गरिएको सूचना अधिकारी आचार्यले जानकारी दिए ।
उनका अनुसार बिगमार्टले एक किलो मासको दालमा रु २७१ लिएको भन्दै उपभोक्ताको गुनासोका आधारमा अनुगमन गरी उपभोक्ता संरक्षण ऐन २०७५ बमोजिम जरिवाना गरिएको विभागले जनाएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपलगानी सम्मेलन आज पनि जारी, १५० परियोजना प्रस्तुत गरिँदै
बैशाख १७, २०८१ सोमबार
लगानी सम्मेलन : पहिलो दिन १४ सयभन्दा बढी सहभागी, दुई सम्झौता सम्पन्न
बैशाख १६, २०८१ आइतबार
‘नेपालमा लगानीमैत्री वातावरण रहेको छ ’
बैशाख १६, २०८१ आइतबार
एसपीको ड्राइभर कि घुमुवा ?
नेपालबहस संवाददाता
बैशाख १७, २०८१ सोमबार
आईजीकै सचिवालयमा एसएसपी कार्कीको चुरीफुरी !
नेपालबहस संवाददाता
बैशाख १९, २०८१ बुधबार
बिहानै कतार एयरको विमानसँग सिम्रिक हेलिकप्टर ठोक्किन आइपुगेपछि.....
नेपालबहस संवाददाता
बैशाख १८, २०८१ मंगलबार
नबिल बैंकको वीरगञ्ज शाखाबाट १ करोड ३४ लाख नोट चोरी, चोर खोज्दै प्रहरी
नेपालबहस संवाददाता
बैशाख १८, २०८१ मंगलबार
आईजीकै सचिवालयमा एसएसपी कार्कीको चुरीफुरी !
बैशाख १९, २०८१ बुधबार
सशस्त्र प्रहरी बलका १६ डीआईजी र १८ एसएसपीको सरुवा, मधेश प्रदेशमा धौबजी र कोशीमा सुवेदी
बैशाख १९, २०८१ बुधबार
नेपालगञ्ज मेडिकल कलेजको शेयर संरचना परिवर्तन, अध्यक्षमा व्यवसायी खुमा अर्याल सर्वसम्मत
बैशाख १९, २०८१ बुधबार
डढेलो निभाउने क्रममा मृत्यु भएकाका परिवारलाई आर्थिक सहयोग
बैशाख १९, २०८१ बुधबार
श्रमिकको कथामा चलचित्र ‘लेबर’ बन्ने घोषणा
बैशाख १९, २०८१ बुधबार
पोखरामा डढेलोले मौसम धुम्मिदा उडान अनियमित, पर्यटक आगमन ठप्प !
बैशाख १९, २०८१ बुधबार
नेपालको पत्रकारिता क्षेत्र लोकतन्त्रको जग : मुख्यमन्त्री कार्की
बैशाख १९, २०८१ बुधबार
सुदूरपश्चिमका मुख्यमन्त्री सोडारीले २१ गते विश्वासको मत लिने
बैशाख १९, २०८१ बुधबार
दक्षिणी चीनमा राजमार्ग भासिँदा २४ जनाको मृत्यु
बैशाख १९, २०८१ बुधबार