दुई पत्रकारमा कोरोना पुष्टि भएपछि महासंघद्वारा पीसीआर परीक्षणको व्यवस्था गर्न माग
नेपालबहस संवाददाता
बैशाख ३०, २०७७ बुधबार १:५६:५२
३० बैशाख, काठमाडौं । कोरोना भाइरसविरुद्ध फ्रन्टलाइनमा काम गर्ने सञ्चारकर्मी पहिलोपटक यसको शिकार भएका छन् । आज पुष्टि भएका ५७ कोरोना संक्रमितमध्ये कम्तिमा दुईजना पत्रकार भएको स्वास्थ्य तथा जनसंख्या मन्त्रालयले जनाएको छ । पर्सा जिल्लाको वीरगञ्ज कार्य क्षेत्र बनाएर खटिएका चारजना पत्रकारहरुको पीसीआर परीक्षण गर्दा दुई जनामा पोजेटिभ रिजल्ट आएको बताइएको छ ।
पर्सामा आज भेटिएका ३९ जना संक्रमित मध्य दुईजना पत्रकारमा कोरोना पोजेटिभ रिजल्ट आएपछि स्थानीय अरु पत्रकारले समेत स्वास्थ्य परीक्षण गराउन थालेका छन् । यसबाट पत्रकार जगत् नै आतंकित बनेको अवस्था छ– स्थानीय पत्रकार राम सरार्फले नेपालबहस डटकमसँग भने । केही दिन अघि पर्सा प्रहरीले पत्रकारमाथि गरेको हातपात र दुव्र्यवहारको बिरुद्ध पत्रकारहरु चरणबद्ध आन्दोलनमा उत्रेका थिए । आजै पत्रकार महासंघ पर्साका अध्यक्ष श्याम बञ्जारासहितको पत्रकारको टोलीले दोषी प्रहरीलाई कारवाहीको माग गर्दै सीडीओलाई ज्ञापनपत्र बुझाएको थियो ।
आजै मात्र दर्जन बढी पत्रकारले पीसीआर टेस्ट गराएको जानकारी पनि उनले दिए । बीरगञ्जमा करिब डेढसयको हाराहारीमा पत्रकार रहेका छन् । यसैबीच नेपाल पत्रकार महासंघले आजै प्रेस विज्ञप्ति जारी गर्दै पत्रकारसमेत कोभिड–१९ को चपेटामा परेको भन्दै दुख प्रकट गरेको छ ।
महासंघका महासचिव रमेश विष्टद्वारा जारी गरिएको विज्ञप्तिमा भनिएको छ– कोरोनाको उच्च जोखिमका बीच अग्रभागमा रहेर आमनागरिकलाई सुसूचित र सचेत गराउने गहन जिम्मेवारी बहन गरिरहेको सञ्चार क्षेत्र पनि यतिखेर आफैं प्रभावित हुनु दुखद र चिन्ताको विषय हो । यो संवेदनशील घडीमा सीमित स्रोत, साधन र अनेक कठिनाईका बाबजुद कार्यस्थलमा खटिएर पेशागत धर्म निभाइरहेका पत्रकारहरु अझ बढी गम्भिर र सचेत हुनु जरुरी छ – विज्ञप्तिमा उल्लेख छ ।
महासंघ यस्तो विषम परिस्थितिमा पेशागत धर्म निर्वाहका क्रममा संवेदनशील भई पूर्वसतर्कताका सम्पूर्ण स्वास्थ्य सुरक्षाका उपायहरु अबलम्बन गर्न सबै पत्रकारमा अपिल गर्दछ– विज्ञप्तिमा भनिएको छ । साथै कोरोना संक्रमणबाट अति प्रभावित क्षेत्रमा फ्रण्टलाइनमा खटिइरहेका पत्रकारका लागि तत्कालै पीसीआर प्रविधिबाट परीक्षणको व्यवस्था गर्दै आवश्यक पीपीईको समेत प्रबन्ध मिलाउन सरकारसँग माग गरिएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपमधेस प्रदेशका ९० प्रतिशत नागरिक बीमाको पहुँच बाहिर
जेठ २, २०८१ बुधबार
आठवटा ‘डिपट्युवेल’का ‘ट्रान्सफर्मर’ चोरी
जेठ २, २०८१ बुधबार
गिरीबन्धु टि स्टेटको जग्गा किनबेचमा पुनरावलोकन गर्न नपाइने, नैतिक संकटमा ओली
जेठ २, २०८१ बुधबार
क्रिकेटर सन्दीप लामिछानेको मुद्दा हेर्दाहेर्दैमा
जेठ १, २०८१ मंगलबार
यस्तो छ, बिहीबार बस्ने प्रतिनिधिसभाको बैठकको सम्भावित कार्यसूची
जेठ २, २०८१ बुधबार
पञ्चेबाजा बजाउँदै समर्थकहरूले क्रिकेटर सन्दीपको गरे स्वागत
जेठ २, २०८१ बुधबार
अपाङ्गता भएका व्यक्तिहरूको प्रदर्शनमा प्रहरी दमनबारे कांग्रेसको आपत्ति
जेठ २, २०८१ बुधबार
सन्दीप लामिछाने निर्दोष ठहर, जिल्ला अदालतको फैसला उच्चले उल्टायो
जेठ २, २०८१ बुधबार
के हो वेशी योग, कसरी बन्छ कुंडलीमा ?
जेठ २, २०८१ बुधबार
सेतीमा पुल निर्माण अलपत्र अवस्थामा
जेठ २, २०८१ बुधबार