प्रदेश ५ : कोभिड-१९ बाट प्रभावित किसानलाई ५१ करोडको कृषि कार्यक्रम
नेपालबहस संवाददाता
जेठ १, २०७७ शुक्रबार २:१२:२८
१ जेठ रुपन्देही । प्रदेश नं ५ सरकारले कोभिड—१९ बाट प्रभावित किसानलाई राहत प्रदान गर्न कोभिड विशेष कृषि कार्यक्रम सञ्चालन गर्ने भएको छ । मन्त्रिपरिषद्को आज बसेको बैठकले कार्यक्रमका लागि रु ५१ करोड १४ लाख आगामी साउन मसान्तसम्म खर्च गर्ने निर्णय गरेको मुख्यमन्त्रीका प्रेस सल्लाहकार शेरबहादुर केसीले जानकारी दिए।
सरकारले कृषि एम्बुलेन्स परिचालनका लागि रु ३४ लाख छुट्टयाउने निर्णय गरेको छ । गुल्मी,प्युठान, रुकुम र रोल्पामा बेमौसमी आलु उत्पादन कार्यक्रम सञ्चालनका लागि रु एक करोड २० लाख बजेट छुट्टयाइएको छ । कार्यक्रमबाट जिल्लाका पाँच सय किसान लाभान्वित हुने सरकारको विश्वास छ । यस्तै सरकारले व्यावसायिक तरकारी उत्पादन गर्न चाहने किसानलाई प्रोत्साहन गर्न दाङ, पाल्पा, अर्घाखाँची, गुल्मी, प्युठान, रोल्पा र रुकुम जिल्लामा अनुदान कार्यक्रम सञ्चालन गर्ने निर्णय गरेको छ ।
सो कार्यक्रमबाट सात हजार किसान लाभान्वित हुने अनुमान छ । कम्तीमा दुईदेखि छ रोपनीमा खेती गरेका किसानलाई सो कार्यक्रममा समावेश गराइने छ । मल र बीउका लागि प्रतिरोपनी रु पाँच हजारका दरले अनुदानसमेत दिइने सो कार्यक्रमका लागि रु १४ करोड खर्च गर्ने निर्णय भएको सल्लाहकार केसीले जानकारी दिए ।
यस्तै सरकारले कोभिड—१९ का कारण विदेशबाट फर्केका र व्यावसायिक खेती उन्मुखका लागि प्रोत्साहन गर्न रु २१ करोड ८० लाख खर्च गर्ने निर्णय गरेको छ । एक सय नौवटै पालिकामा सञ्चालन हुने सो कार्यक्रमअन्तर्गत व्यावसायिक खेतीका लागि मल विषादी, ससाना औजार, प्लाष्टिक घर, च्याउघर र खोर निर्माण गर्न प्रतिकिसान रु २० हजारका दरले सहयोग गरिने छ । यसबाट १० हजार नौ सय लाभान्वित हुनेछन् । ब्रोइलर कुखुरापालन साना किसान लक्षित कार्यक्रमका लागि रु सात करोड छुट्टयाउने निर्णय भएको छ । यो कार्यक्रमअन्तर्गत दुई हजार किसानलाई रु ३५ हजार दरले अनुदान दिइने र छ हजार लाभान्वित हुने अनुमान गरिएको छ ।
दूध उत्पादक किसान विशेष राहत कार्यक्रमका लागि रु दुई करोड ८० लाख छुट्टयाएको छ । दूध उत्पादनको आठ महिनाको बिक्री तथ्याङ्क हेरी लकडाउनको ४० दिनको प्रतिलिटर रु १० का दरले अनुदान दिइने छ । प्रदेशका सबै जिल्लामा बीउ उत्पादन कृषक लक्षित कार्यक्रमका लागि रु चार करोड खर्च गर्ने निर्णय भएको छ । बीस हजार बिघामा खाद्यान्न र तरकारीको बीउ उत्पादन गर्ने र प्रतिबिघा रु २० हजारका दरले अनुदान दिने निर्णय भएको प्रेस सल्लाहकार केसीले जानकारी दिनुभयो । यी सबै कार्यक्रमबाट ४१ हजार चार सय प्रत्यक्ष लाभान्वित हुने अनुमान गरिएको छ ।
यसैगरी बैठकले रोल्पामा बम विस्फोटमा मारिएका चार बालबालिकाका परिवारलाई रु एक लाखका दरले राहत दिने निर्णयसमेत गरेको छ । बैठकले प्रदेश स्वास्थ्य नीति—२०७७ र स्वास्थ्य नियमावली स्वीकृत गरेको छ । प्रदेश ऐन संशोधन गर्न बनेको विधेयक २०७७ प्रदेशसभासमक्ष पेश गर्न स्वीकृति दिने निर्णय भएको छ । यही जेठ ९ गते प्रदेशसभा आह्वानका लागि प्रदेश प्रमुखलाई अनुरोध गर्ने निर्णयसमेत आजको मन्त्रिपरिषद् बैठकले गरेको छ ।
बैठकले नवलपरासी, रुपन्देही, कपिलवस्तु र बाँकेमा क्वारेन्टाइनमा बस्नेलाई विशेष व्यवस्था गर्ने र त्यसका लागि क्वारेन्टाइन व्यवस्थापन निर्देशिका तयार गरी कार्यान्वयन गर्ने, कोरोना विशेष अस्पतालको क्षमता बढाउने तथा बाँकेमा डेण्टल अस्पताल र सैनिक अस्पतालमा एक सय शय्याको आइसोलेशन वार्ड तयार गर्ने निर्णय गरेको छ ।
यसैगरी बुटवलमा दुई सय शय्या थप्ने, भैरहवाको भीम अस्पतालमा एक सय शय्या थप्ने तथा बाँके, बुटवल र भैरहवामा बिरामीको चाप भएकाले तत्काल राख्न नसकिएको अवस्थामा दाङको बेलझुण्डीस्थित कोरोना अस्पतालमा बिरामी पठाउने, बिरामीको चापलाई ख्याल गर्दै तौलिहवास्थित कपिलवस्तु बहुमुखी क्याम्पसमा आइसोलेशन बेड तयार गर्ने र स्वास्थ्योपचार व्यवस्थापन तौलिहवा जिल्ला अस्पतालका स्वास्थ्यकर्मीले गर्ने निर्णय भएको प्रेस सल्लाहकार केसीले जानकारी दिए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपआठ खर्ब ५३ अर्ब लागतका विभिन्न आयोजना अगाडि बढाउँदै विद्युत् उत्पादन कम्पनी
जेठ ७, २०८१ सोमबार
स्टार्टअपलाई १० वर्ष आयकर छुट, सहज ब्याजदरको कर्जा सुविधा
जेठ ५, २०८१ शनिबार
‘विप्रेषण विकासको दीर्घकालीन माध्यम होइन’
जेठ ३, २०८१ बिहिबार
सामाजिक सञ्जालकर्ताको विद्रूप र कैलाश सिरोहिया प्रकरण
विनोद त्रिपाठी
जेठ ९, २०८१ बुधबार
अवैध नदीजन्य पदार्थ ओसारपसार गरिरहेका टिपर स्थानीयको नियन्त्रणमा
नेपालबहस संवाददाता
जेठ १०, २०८१ बिहिबार
यस्तो छ सहकारीको शिर, दलीय वर्चश्वमा एमाले !
केदार भट्टराई (काका)
जेठ १०, २०८१ बिहिबार
भारतीय कारखानामा विस्फोट : मृत्यु हुनेको संख्या ११ पुग्यो
जेठ ११, २०८१ शुक्रबार
पाक्वेटालाई स्पट फिक्सिङको आरोप, १० बर्षको प्रतिबन्ध लाग्न सक्ने
जेठ ११, २०८१ शुक्रबार
भारतीय मूलका विनोद चौधरीका कर्तुत खोजिँदै, कसरी छिरे नेपाल ?
जेठ ११, २०८१ शुक्रबार
यस्ता छन् अलसरका लक्ष्यणहरु, यसबाट बच्न के गर्ने ?
जेठ १२, २०८१ शनिबार
पाकिस्तानको टी-२० विश्वकप टिमको घोषणा
जेठ १२, २०८१ शनिबार
हेटौँडामा बसको ठक्करबाट एक जनाको मृत्यु
जेठ १२, २०८१ शनिबार
गर्मीमा धेरै पानी मात्र पिएर पुग्दैन, अरु के खाने ?
जेठ १२, २०८१ शनिबार
स्वास्थ्यमा समस्या देखिएपछि सिरोहिया अस्पताल भर्ना
जेठ १२, २०८१ शनिबार
भारतको लोकसभाको छैटौं चरणको मतदान आज
जेठ १२, २०८१ शनिबार