महासचिव नेम्बाङको पहलमा जनसम्पर्क समिति अमेरिकाद्वारा स्वास्थ्य सामग्री हस्तान्तरण

२६ जेठ, न्यूयोर्क । नेपाली जनसम्पर्क समिति अमेरिकाको सरकारी श्रोत परिचालन समिति न्यूयोर्क टाक्सफोर्सले कोभिड-१९ को महामारीबाट नेपाली समुदायलाई जोगाउन सक्रिय भईरहेका न्यूयोर्कका विभिन्न १५ वटा संघसंस्थालाई नेपाली जनसम्पर्क समिति अमेरिकाका महासचिव मुनिन्द्र नेम्बाङको पहलमा अत्यावश्यक स्वास्थ्य सामग्री हस्तान्त्रण गरेको छ ।

कोरोनाले आक्रान्त बनाएको न्यूयोर्कमा, जतिबेला महामारीबाट बच्नको लागि नेपाली समुदायलाई माक्स, सेनिटाइजर, ग्लोप्स, थर्ममिटर, टायनलजस्ता अत्यावश्यक स्वास्थ्य सामग्रीहरू बजारमा पाउन गाह्रो भइरहेको थियो । कोरोना पीडित नेपालीले अत्यावश्यक स्वास्थ्य सामग्रीहरू नपाएर न्यूयोर्कमा छटपट्टिरहेका थिए ।

त्यही बेलादेखि नेपाली जनसम्पर्क समिति अमेरिकाको श्रोत परिचालन समिति न्यूयोर्क टाक्सफोर्सले कोभिड-१९ को संक्रमणलाई नेपाली समुदायमा फैलिन नदिन, विभिन्न संघसंस्थामार्फत तथा व्यक्तिगत तवरले समेत समुदायका संक्रमित सदस्यहरूले पाउने गरी स्वास्थ्य सामग्रीहरू उपलब्ध गराउन सुरू गरेको कुरा महासचिव एवं कोरोना संक्रमित समुदायका लागि सरकारी सहयोग तथा श्रोत परिचालन समिति अमेरिकाका संयोजक मुनिन्द्र नेम्बाङले बताए ।

पुरै अमेरिका लकडाउनले बन्द भएको समयमा, अमेरिकी सरकारले दिएको निर्देशनलाई पालना गर्दै, कानुनी परिधिभित्र रहेर टाक्सफोर्सले सामाजिक दुरीलाई कायम राखी, बडो मुस्किलले स्वास्थ्य सामग्रीहरू नेपाली समुदायसम्म वितरण गरेको कुरा स्मरण गराउॅदै, महासचिव नेम्बाङले कोरोनाको महामारीमा अमेरिका भरीका शुभेच्छुक दाताहरूको बिशेष सहयोग तथा न्यूयोर्क टाक्सफोर्स र जनसम्पर्क समितिका साथीहरूको साथ र सहयोगमा मात्र वितरण कार्य सम्भव भएको कुरा बताए ।

गत अप्रिलको दोस्रो हप्ताबाट सुरू गरेको स्वास्थ्य सामग्री वितरण कार्यक्रम मे महिनाको ३१ तारीख २०२० मा पहिलो चरणको अभियान सम्पन्न भएको जानकारी गराउँदै, महासचिव मुनिन्द्र नेम्बाङले, न्यूयोर्कलगायत अन्य राज्यका च्याप्टरका टाक्सफोर्सहरूले संचालन गरेको स्वास्थ्य सामग्री वितरण अभियनलाई सहयोग पुर्याउने सम्पूर्ण अग्रजहरू, कार्यसमितिका साथीहरु, सहयोगी दाताहरू, सामाजिक अभियन्ताहरू, स्वंयेम सेवक मित्रहरू, पत्रकार साथीहरू, विभिन्न संघ संस्थाका प्रमुख एवं प्रतिनिधिहरू, नागरिक समाज र आम नेपाली समुदायलाई आभार प्रकट गर्दै, धेरै धन्यवाद समेत व्यक्त गरेको छ । समितिले १५ वटा संस्थामार्फत र १२० परिवारलाई व्यक्तिगत तवरले गरेर जम्मा ८,७०० थान सर्जिकल माक्स, १६६४ थान हेण्ड सेनिटाइजर, १७,१०० थान हेण्ड ग्लोप्स, १०० थान थर्ममिटर र २५० थान प्ल् ९५ माक्स नेपाली समुदायलाई वितरण गरेको हो ।