नागरिकता विधेयक अघि बढाउन नेकपासँग कांग्रेस सभापति देउवाको माग

१० असार, काठमाडौं । नेपाली कांग्रेसका सभापति शेरबहादुर देउवाले विवादास्पद शेरबहादुर देउवाले विवादास्पद नागरिकता विधेय फिर्ता गर्न सरकारसँग माग गरेका छन । सामाजिक सञ्जाल फेसबुकमा महिला र पुरुषबीच विभेदको रेखा कोर्न नहुने भन्दै स्टाट्स लेखेका छन ।

संसदको राज्य व्यवस्था तथा सुशासन समितिबाट बहुमतका आधारमा पारित भएको नागरिकता सम्वन्धी ७ वर्षे प्रावधानको विरोध गर्दै यसले छोराछोरीमा विभेद निम्त्याएको समेत बताए । संविधानले नै महिला र पुरुषबीच समानता सुनिश्चित गरेको देउवाको भनाई छ । छोरालाई बढी र छोरीलाई कम अधिकार अहिलेको समयमा समाजका लागि उपयुक्त नहुने सभापति देउवाले बताए ।

हाम्रो संविधानले महिला र पुरूषबीच समानता सुनिश्चित गरेको छ। छोरालाई बढी र छोरीलाई कम अधिकार अहिलेको समय र समाजका लागि स्वीकार्य छैन, हुनु हुँदैन पनि फेसबुकमा देउवाले थप अगाडी लेखेका छन, नेपाली पुरुषसँग बिहे गर्ने विदेशी महिलाले नागरिकता पाउने, तर नेपाली महिलासँग बिहे गर्ने विदेशी पुरुषले नागरिकता नपाउने गरी विभेदको रेखा कोर्नु हुँदैन ।

सत्तारुढ नेकपासँग नागरिकता विधेयक अघि नबढाउन माग गर्दै देउवाले भनेका छन, महिलालाई दोस्रो दर्जाका नागरिक बनाउने गरी ल्याइएको प्रावधान संशोधन गरी लिङ्गको आधारमा विभेद नहुने, अनि समानताको अवधारणा–मर्म अनुरुप नागरिकता विधेयक अघि नबढाउन म सत्तारूढ नेकपासँग माग गर्दछु ।

प्रतिपक्षसँगै सत्तापक्षकै नेताहरुले विरोध गरेपछि नेकपाले बुधबार अख्तियार विधेयक अगाडी नबढाउने निर्णय गरेको छ ।