ओलीको घमण्ड बढ्दै गए नेकपा फुट्न सक्छ : प्रचण्ड

१० असार, काठमाडौँ । प्रधानमन्त्री तथा नेकपाका अध्यक्ष केपी शर्मा ओलीबाट निरन्तर चेपुवामा पर्दै आएका पुष्पकमल दाहाल प्रचण्डले उस्तै परे नेकपा पार्टी विघटन हुने चेतावनी दिएका छन । पार्टी स्थायी समिति बैठकमा बोल्दै प्रचण्डले पार्टीको कामकारबाही र सञ्चालन प्रक्रिया चित्तबुझ्दो नभएको भन्दै ओलीप्रति असन्तुष्टि जनाएका थिए ।

ओलीप्रति लक्षित गर्दै प्रचण्डले सरकारमा कामभन्दा घमण्ड धेरै हावी भएको बताए । उनले पार्टीका लागि बहुमत आएको भएपनि त्यो व्यक्तिको सम्झेर ओलीमा घमण्ड बढेको प्रचण्डको भनाई छ । यो घमण्ड बढ्दै गए भोलिका दिनमा पार्टी फुट्न सक्ने समेत प्रचण्डको चेतावनी छ ।

पार्टी र सरकार सबैमा एउटै व्यक्तिको दबदबा बढेको छ। प्रचण्डले २०७५ जेठ २ गतेको सहमतिबाट आफू पछि हट्दा गल्ती भएको समेत प्रचण्डको भनाई छ । लामो समयपछि बसेको स्थायी कमिटी बैठकमा प्रचण्डको चेतावनीपूर्ण अभिव्यक्ति आएपछि ओली थप झस्केका छन ।