मार्सियलको ह्याट्रिकमा म्यान्चेष्टर युनाइटेडको जित

११ असार, एजेन्सी । इंग्लिस प्रिमियर लिग फुटबलमा म्यानचेस्टर युनाइटेडले सेफिल्ड युनाइटेडलाई पराजित गरेको छ । घरेलु मैदानमा बुधबार राति भएको खेलमा युनाइटेडले सेफिल्डलाई ३ ० गोल अन्तरले पराजित गरेको हो । ओल्ड ट्राफोर्डमा युनाइटेडका लागि एन्थोनी मार्सियलले ह्याट्रिक गोल गरे ।

मार्सियलले ७, ४४ र ७४ औँ मिनेटमा गोल गरेर ह्याट्रिक पूरा गरेका हुन । सन् २०१३ को अप्रिलमा रोबिन भान पर्सीले ह्याट्रिक गरेपछि युनाइटेडका लागि ह्याट्रिक गर्ने मार्सियल पहिलो खेलाडी हुन ।