थप ५९३ जनामा कोरोना संक्रमण, संक्रमित संख्या ११ हजार ७५५ पुग्यो

१२ असार, काठमाडौं । थप ५ सय ९३ जनामा कोरोना संक्रमण पुष्टि भएको छ । शुक्रबार थप ५ सय ९३ जनामा संक्रमण पुष्टि भएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिए ।

यससँगै नेपालमा कोरोना संक्रमितको संख्या ११ हजार ७ सय ५५ पुगेको छ । यसमध्ये अहिलेसम्म २ हजार ६ सय ९८ जना कोरोना जितेर घर फर्किएका छन ।

अहिलेसम्म कोरोनाबाट जोगिएको रसुवा जिल्ला मात्रै छ । बाँकी ७६ वटै जिल्लामा कोरोना देखिसकेको छ । विगत २४ घण्टामा ६ हजार ५ सय ३४ जनाको पिसिआर परीक्षण भएको छ। हालसम्म २ लाख ६ हजार बढीको पिसिआर परीक्षण भएको छ।