सलहको मुल्य बढाबढ, किरा बेचेर आम्दानी गर्न शुरु
नेपालबहस संवाददाता
असार १४, २०७७ सोमबार २:२७:५३
१४ असार, काठमाडौं । नेपालमा महामारीसँगै सलह किराको प्रकोप बढेका बेला धेरैले आलोचना गरेपनि केही रचनात्मक बनाउन थालेका छन । शनिबार नेपालमा सलह प्रवेश गरेपछि प्रदेश ५ सरकारले किलोको २० रुपैयाँ दिने घोषणा गरेको थियो । त्यसपछि सुदुरपश्चिम प्रदेश सरकारले किलोको २५ रुपैयाँ दिने घोषणा गरेको छ ।
प्रदेश सरकारले मात्रै होइन, सामाजिक सञ्जालमा पनि केहीले यो किरा उपयोगी र प्रोटिनयुक्त भएको भन्दै नगद रकम दिने घोषणा गर्न थालेका छन । कृषिविज्ञ मदन राईले यो किराको किलोको १०० रुपैयाँ दिने घोषणा गरेका छन ।
यस्तै पत्रकार विष्णु पोखरेलले सलह किराको मुल्य ४० रुपैयाँ तोकेका छन । उनले यो किरा उपयोगी भएको भन्दै शुरुमा किलोको ४० रुपैपाँ दिने भनेपनि पछि मुल्य बढाएर ६० रुपैयाँ तोकेका छन ।
धेरैले आलोचना गरेको सलह किराका बारेमा कृषि विज्ञले समेत उपयोगी भनेपछि यसबारे सकारात्मक धारणा फैलिदै गएको छ ।
किरा बेचेर आम्दानी गर्न शुरु
आइतबार सलह बोकेर दुई बालबालिका बुटवल उपहानगरपालिकाको वडा नम्बर ४ को कार्यालयमा पुगेर १ सय ७० रुपैयाँ कमाउन सफल भएका छन । लक्ष्मीनगरका अच्युत न्यौपानेले बोरामा उठाएर ल्याएको सलह ५ किलो र सविना थारुले प्लास्टिकको झोलामा हालेर ल्याएको सलह साढे ३ किलो थियो ।
बुटवल–४ का वडाध्यक्ष टंकप्रसाद पराजुली भन्छन्, ‘पानी परेपछि रुखमा बास बसेका सलह भुइँभरि खसेको थियो, बढारेर थुप्रो लगाउन सकिन्थ्यो । केटाकेटीहरूले टिपेर ल्याएका रहेछन् ।’ पराजुलीले अच्युत र सविनाले ल्याएको सलह किनिदिनु भनेर सिफारिस बनाएर उपमहानगरपालिकाको कार्यालयमा पठाए ।
वडाको सिफारिसअनुसार न्यौपानेलाई १०० रुपैयाँ र थारुलाई ७० रुपैयाँ दिएको उपमहानगरका वरिष्ठ अधिकृत तथा आर्थिक विकास महाशाखा प्रमुख भुवाप्रसाद लुइँटेलले जानकारी दिए । सलह भने कुखुरापालक किसानलाई दिइएको छ ।
अब यससँगै सलहप्रति नकारात्मक धारणा मात्रै फैलिएको छैन । यसबाट आम्दानी गर्न सकिन्छ भन्ने सकारात्मक सन्देश समेत गएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपकसैलाई प्रोत्साहित गर्न र कसैलाई कमजोर पार्न करको दर हेरफेर हुँदैनः अर्थमन्त्री पुन
बैशाख २१, २०८१ शुक्रबार
लगानी सम्मेलन आज पनि जारी, १५० परियोजना प्रस्तुत गरिँदै
बैशाख १७, २०८१ सोमबार
लगानी सम्मेलन : पहिलो दिन १४ सयभन्दा बढी सहभागी, दुई सम्झौता सम्पन्न
बैशाख १६, २०८१ आइतबार
बस खोलामा खस्दा २० को मृत्यु, २१ जना घाइते
बैशाख २१, २०८१ शुक्रबार
आगामी साता हल्कादेखि मध्यम खालको वर्षा हुने प्रक्षेपण
बैशाख २१, २०८१ शुक्रबार
नौबीसे नागढुङ्गा सडक खण्डमा धमाधम पिच सुरु
बैशाख २१, २०८१ शुक्रबार
स्थानीय तहमा अनावश्यक कर्मचारी नराख्न निर्देशन
बैशाख २१, २०८१ शुक्रबार
टी–२० विश्वकप खेल्ने राष्ट्रिय क्रिकेट टीमको बिदाइ
बैशाख २१, २०८१ शुक्रबार
ट्राफिक सचेतनामा महानायक राजेश हमाल
बैशाख २१, २०८१ शुक्रबार
आगलागी प्रभावित गाउँपालिकालाई कामपाको आर्थिक सहयोग
बैशाख २१, २०८१ शुक्रबार
अछाममा बँदेलको आक्रमणबाट एक जना घाइते
बैशाख २१, २०८१ शुक्रबार
आगलागीबाट बझाङको अधिकांश भूभाग अँध्यारो
बैशाख २१, २०८१ शुक्रबार