सुदूरपश्चिम प्रदेशमा थप दुई जना प्रहरीमा कोरोनाको पुष्टि

१६ असार, कैलाली । सुदूरपश्चिम प्रदेशमा थप दुई जना प्रहरी कर्मचारीमा कोरोना संक्रमणको पुष्टि भएको छ । जिल्ला प्रहरी कार्यालय बाजुरा दिएको जानकारी अनुसार बुढिगंगा नगरपालिका ४ को क्वारेन्टाइनमा खटिएका र जगन्नाथ गाउँपालिका १ को क्वारेन्टाइनमा रहेको दुई जना प्रहरी कर्मचारीमा संक्रमण पुष्टि भएको हो ।

धनगढी प्रयोगशालामा गरिएको परीक्षणमा उनीहरूमा संक्रमण देखिएको हो । संक्रमित दुवै जनालाई अहिले आइसोलेसनमा राखेर उपचार सुरु भइसकेको छ । यसअघि कञ्चनपुरका तीन, बाजुरा र अछामका एक र एक जना प्रहरी कर्मचारीमा कोरोना संक्रमण देखिएको थियो ।