उद्योगमा ३६ अर्बको विदेशी लगानी, सबैभन्दा धेरै सेवामूलक क्षेत्र
नेपालबहस संवाददाता
असार २८, २०७७ सोमबार ०:३७:१४
काठमाडौं । उद्योग क्षेत्रमा चालू आर्थिक वर्ष २०७६/७७ का लागि रु ३६ अर्ब विदेशी लगानीको प्रतिबद्धता आएको छ । यही असार २१ गतेसम्म २१३ उद्योगमा रु ३५ अर्ब ९४ करोड विदेशी लगानीको प्रतिबद्धता आएको उद्योग विभागले जनाएको छ ।
विभागको तथ्याङ्कअनुसार कूल लगानीमध्येमा ७० देखि ८० प्रतिशतसम्म लगानी प्रतिबद्धता चीन सरकारबाट आएको छ । यसैगरी चीनपछि भारत, अमेरिका, मलेसियालगायतका देशबाट लगानी प्रतिबद्धता आएका छन् ।
विभागका प्रवक्ता विनोदकुमार खड्काका अनुसार गत वर्षको तुलनामा उद्योगको सङ्ख्यामा कमी आए तापनि लगानीमा वृद्धि भएको छ । उनका अनुसार गत वर्षको तुलनामा असार २१ गतेसम्म रु १० अर्ब २७ करोडभन्दा बढी लगानी गर्ने प्रतिबद्धता आइसकेको छ । गत वर्ष ३४४ वटा उद्योगमा रु २५ अर्ब ४७ करोड लगानी प्रतिबद्धता आएको थियो ।
कुन क्षेत्रमा कती लगानी
चालू आर्थिक वर्षमा सबैभन्दा धेरै लगानी सेवामूलक क्षेत्रमा आए तापनि पर्यटन क्षेत्रमा धेरै उद्योग रहेको खड्काले जानकारी दिए । उनका अनुसार सेवामूलक क्षेत्रमा ६८ उद्योगका लागि रु दश अर्ब ६५ करोड, पर्यटन क्षेत्रमा ७५ उद्योगका लागि रु नौ अर्ब ७१ करोड ६९ लाख, सूचना प्रविधि क्षेत्रमा ३७ उद्योगका लागि रु ७० करोड ८१ लाख प्रतिबद्धता आएको छ ।
यसैगरी ऊर्जा क्षेत्रका छ उद्योगमा रु ५२ करोड ७४ लाख, कृषि तथा वनजन्य क्षेत्रमा चार उद्योगका लागि र रु चार करोड ४७ लाख बराबरको लगानी गर्ने प्रतिबद्धता आएको छ ।
२७२ स्वदेशी उद्योग दर्ता
यही असार २२ गतेसम्म उद्योग विभागमा २७२ स्वदेशी उद्योग दर्ता भएका छन् । विभागको तथ्याङ्कअनुसार उक्त उद्योगमा रु एक खर्ब ४६ अर्ब ७० करोड कुल पूँजी रहने गरी उद्योग दर्ता भएका छन् । गत आवमा विभागमा ४४१ उद्योग दर्ता हुँदा रु दुई खर्ब ८५ अर्ब कूल पूँजी रहने गरी दर्ता भएका थिए । गत वर्षको तुलनामा उद्योग दर्ता सङ्ख्याको तुलनामा लगानीमा वृद्धि भएको छ ।
विभागको तथ्याङ्कअनुसार सरकारले कोभिड–१९ सङ्क्रमणलाई ध्यानमा राख्दै गत चैत ११ गतेदेखि गरेको बन्दाबन्दीको अवधिमा ३६ उद्योगमा रु छ अर्ब छ करोडभन्दा बढीको लगानी प्रतिबद्धता आएको छ ।
यसैगरी चालू आवमा विदेशी लगानीमा रहको उद्योगले १० हजार ७२४ जनालाई र स्वदेशी उद्योगले १७ हजार १७१ जनालाई रोजगारी दिने प्रतिबद्धता गरेका थिए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपआठ खर्ब ५३ अर्ब लागतका विभिन्न आयोजना अगाडि बढाउँदै विद्युत् उत्पादन कम्पनी
जेठ ७, २०८१ सोमबार
स्टार्टअपलाई १० वर्ष आयकर छुट, सहज ब्याजदरको कर्जा सुविधा
जेठ ५, २०८१ शनिबार
‘विप्रेषण विकासको दीर्घकालीन माध्यम होइन’
जेठ ३, २०८१ बिहिबार
देउवा–रवी गोप्य भेटघाटः टिओआर खुकुलो बनाउने प्रस्तावप्रति ठाडै अस्वीकार
जेठ ७, २०८१ सोमबार
पशुपतिनाथको भेटी चोर्ने आठ जना पक्राउ
जेठ ७, २०८१ सोमबार
रविको ‘रिभेन्ज’ अभिव्यक्ति र भ्रष्टाचारको सौदाबाजी !
जेठ ८, २०८१ मंगलबार
काठमाडौंका एक लाख २५ हजार बालबालिकालाई ‘आईपीभी’ खोप लगाइने
जेठ ८, २०८१ मंगलबार
गण्डकीको सरुवा रोग अस्पताल भवन निर्माण सुस्त
जेठ ८, २०८१ मंगलबार
राष्ट्रपति रायसीको अन्त्येष्टि समारोह सुरु
जेठ ८, २०८१ मंगलबार
नारायणकाजीको सम्पत्ति एक लाख २२ हजार बैंकमा, गाडी प्रचण्डले दिएको
जेठ ८, २०८१ मंगलबार
गृहमन्त्री रवि लामिछानेको सम्पत्ति कति छ ?
जेठ ८, २०८१ मंगलबार
श्रीलङ्कामा प्रतिकूल मौसमी प्रभाव बढ्दो, ३३ हजारभन्दा बढी मानिस प्रभावित
जेठ ८, २०८१ मंगलबार