बैंकर मणिराम पोखरेल प्रभु बैंकको डेपुटी सीईओमा बढुवा

५ साउन, काठमाडौं । विश्वास लिन्छौं, विश्वास दिन्छौंको नारा बोकेको प्रभु बैंक लिमिटेडको डेपुटी सीईओमा मणिराम पोखरेल नियुक्त भएका छन् ।

बैंक सञ्चालक समितिको वैठकले पोखरेललाई साउन १ गतेदेखि लागु हुने गरी बैंकको डेपुटी सीईओमा नियुक्त गरेको हो ।

मिलनसार र सरल स्वभावका पोखरेल प्रभु बैंकमा सेकेण्ड म्यानको रुपमा विगत केही बर्षदेखि नै काम गर्दै आएका थिए । प्रभु विकास बैंक हुँदै उनी किष्ट बैंकसँग मर्जर प्रश्चता प्रभु बैंकको तेस्रो तहमा रहेर काम गरेका थिए ।

३० वर्ष बैंकिङ गरेका पोखरेलले साविक समृद्धि विकास बैंकको सीईओको रुपमा प्रभु विकास बैंकमा गाभ्ने भूमिका निभाएका थिए । सन १९९० मा नविल बैंकमा सहायक लेवलबाट बैंकिङ करिअर सुरु गरेका पोखरेलले नेपाल एसबीआई बैंक, एनसीसी बैंक हुँदै हिमचुली विकास बैंकको स्थापना गरि करिब ८ वर्ष सीईओ चलाएका थिए ।

पोखरेल प्रभु लाईफ इन्स्योरेन्सको संचालकसमेत रहेका छन् ।