श्रीमतीको हत्या गरेर जेल गएका पूर्वडीआईजी कोइराला छुटे

८ साउन, काठमाडौं । श्रीमतीको हत्या गरेर लास जलाउदै गरेका बेला पक्राउ परेका सशस्त्र प्रहरी बलका पूर्वडिआइजी रञ्जन कोइराला जेलबाट छुटेका छन् । सर्वोच्च अदालतले जन्मकैदको फैसलालाई पुर्नविचार गरी कैद सजाय छोट्याएपछि उनी आज जेलबाट छुटेका हुन् ।

आठ वर्ष ६ महिना कैद सजाय भुक्तान भएपछि कोइरालालाई थुनामुक्त गरेको डिल्लीबजार कारागारले जनाएको छ । कोइरालाले साढे ८ वर्षअघि श्रीमती गीता ढकालको हत्या गरेर प्लास्टिकमा पोको पारी मकवानपुरको टिष्टुङ जंगलमा पुर्‍याई पेट्रोल छर्केर जलाएका थिए।

श्रीमतीको हत्या गरेका कोइरालालाई प्रधानन्यायाधीश चोलेन्द्रशमशेर राणा र न्यायाधीश तेजबहादुर केसीको इजलासले सर्वस्वसहित जन्मकैद चर्को सजाय हुने भन्दै कैद सजाय घटाएको थियो।

कोइरालालाई जन्मकैदको सजाय घटाएर प्रधानन्यायाधीश राणा र न्यायाधीश केसीले ८ वर्ष ६ महिनामा झारेको थियो। जसका कारण उनी छुटेका हुन् ।