देशैभर ९१ प्रतिशत रोपाइँ सम्पन्न

९ साउन, काठमाडौं । देशभर ९१ प्रतिशत क्षेत्रफलमा रोपाइँ सकिएको छ । कृषि तथा पशुपन्छी विकास मन्त्रालयका अनुसार, कुल धान रोपाइँ हुने १३ लाख ७१ हजार ७०६ हेक्टर क्षेत्रफलमध्ये ९१ प्रतिशत क्षेत्रफलमा रोपाइँ भएको हो ।

गतवर्ष यसै समयमा ६० प्रतिशत बढीमा रोपाइँ सम्पन्न भएको थियो । समयमै मनसुन भएको र जनशक्तिको सहजताका कारण रोपाइँ धमाधम भइरहेको हो ।

कर्णाली र सुदुरपश्चिम प्रदेशमा ९० प्रतिशतभन्दा बढि रोपाइँ भएको छ । प्रदेश नम्बर १ र २ तिर ७० प्रतिशत हाराहारीमा रोपाइँ भएको छ । अबको एक हप्ताभित्र धान रोपाइँ सम्पन्न हुने कृषि मन्त्रालयले जनाएका छन् ।

यसवर्ष करिव शतप्रतिशत रोपाइँ हुने मन्त्रालयको प्रक्षेपण छ । सरकारले यसवर्ष पनि ५ देखि ७ प्रतिशत धान उत्पादन बढ्ने अनुमान गरेको छ ।