राजविराजमा दुई करोड भन्दा बढी राजश्व असुली
नेपालबहस संवाददाता
साउन १७, २०७७ शनिबार १८:५१:३०
◊ धीरुभाइ
१७ साउन, सप्तरी । नेपाल विद्युत् प्राधिकरण वितरण केन्द्र राजविराजले दुई करोड भन्दा बढी राजश्व असुली गरेको छ । केन्द्रले विद्युत् रकम बक्यौत, चुहावट नियन्त्रण अभियान तथा कालोसूचीमा परेको ग्राहकबाट दुई करोड १० लाख ६८ हजार ७१० रुपियाँ राजश्व असुली गरेको छ ।
तीमध्ये केन्द्रले विद्युत् महशुल रकम नबुझाउने ग्राहकहरुको लाइन काट्ने अभियानबाट झण्डै पौने दुई करोड रकम असुली गरेको छ । गत आर्थिक वर्षमा विद्युत् बक्यौता रकम नबुझाउने ग्राहकको लाइन काट्न थालेपछि एक करोड ६८ लाख ८१ हजार ८६७ रुपियाँ बक्यौता रकम असुली भएको वितरण केन्द्रका प्रमुख इन्जिनियर अमोदकुमार यादवले बताए । यस वर्षमा विद्युत् महशुल नबुझाउने ६८७ जना ग्राहकको लाइन काटिएको बताए ।
विद्युत् महशुल बक्यौता रकम २० करोड भन्दा बढी रहेको उनले बताए । कोरोना भाइरस संक्रमण न्यूनिकरण तथा रोकथामको लागि सरकारले जारी गरेको लकडाउनमा पनि बिद्युत् बक्यौता रकम नबुझाउने ग्राहकको लाइन काटिन थालेपछि अनलाईन, बैक तथा सिधै कार्यालयमा आएर बक्यौता रकम बुझाएको उनले बताए । लकडाउन (बन्दाबन्दी)ले केही प्रभाव पारेपनि स्वास्थ्य सुरक्षा सर्तकता अपनाएर सेवामा निरन्तर खटिरहेकोले राजश्व असुली गरेको उनले बताए ।
यस भन्दा अघिल्लो आर्थिक वर्ष २०७५/०७६ मा विद्युत् महशुल बक्यौता रकम नबुझाउने ३०६ जना ग्राहकको लाइन काटिएको उनले सोबाट एक करोड ६७ लाख ६१ हजार ९७७ रुपियाँ असुली भएको जानकारी दिए । लकडाउनबीच पनि अघिल्लो वर्ष भन्दा यस वर्षमा राजश्व असुलीमा केही बृद्धि भएको उनको कथन छ ।
यस्तै यस वर्षमा केन्द्रले विद्युत् चुहावट नियन्त्रण अभियानलाई तीब्र पारेको छ । यस अभियान अन्तर्गत जिल्लाको विभिन्न गाउँ टोल वस्तिका गरी ११८ जना विद्युत् चोरलाई पक्राउ गरेको छ । विद्युत् पोलमा सिधै हुकिङ्ग गरी विद्युत् प्रयोग गरिरहेको अवस्थामा तथा विद्युत् मिटरबाट चोरी गरेको अवस्थामा उनीहरुलाई पक्राउ गरिएको बताइएको छ । यसरी पक्राउ परेकाहरुबाट ४० लाख ४९ हजार ६३३ रुपियाँ राजश्व जरिवाना असुली भएको प्रमुख यादवले बताए ।
नेपाल प्रहरी, सशस्त्र प्रहरी र वितरण केन्द्र कर्मचारीको संयुक्त विद्युत् चुहावट नियन्त्रण टोली दिवा र रातीमा सक्रिय भएपछि ५.२९ प्रतिशतमा चुहावट कम भएको उनले भने, अघिल्लो वर्षमा ३८.९६ चुहावट रहेको थियो । लकडाउनको कारण चुहावट नियन्त्रणमा प्रभाव पर्दापनि थोरै नियन्त्रण गरेर ३३.६७ प्रतिशतमा झरेको छ ।
हाम्रो लक्ष्य २५ प्रतिशतमा झार्ने थियो । यसैगरी कालो सूचीमा परेका एक हजार १३३ ग्राहकबाट एक लाख ३७ हजार २१० रुपियाँ राजश्व असुली भएको प्रमुख यादवले बताए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपआठ खर्ब ५३ अर्ब लागतका विभिन्न आयोजना अगाडि बढाउँदै विद्युत् उत्पादन कम्पनी
जेठ ७, २०८१ सोमबार
स्टार्टअपलाई १० वर्ष आयकर छुट, सहज ब्याजदरको कर्जा सुविधा
जेठ ५, २०८१ शनिबार
‘विप्रेषण विकासको दीर्घकालीन माध्यम होइन’
जेठ ३, २०८१ बिहिबार
अवनतिको बाटो फेर्न लागेको राजनीति र सुरक्षा चासो
सुबोधकुमार अधिकारी
जेठ ४, २०८१ शुक्रबार
विद्यार्थी मृत फेला परेपछि आक्रोशित भिडद्वारा स्कुलमा आगलागी
नेपालबहस संवाददाता
जेठ ४, २०८१ शुक्रबार
हावाहुरीले उदयपुरमा करोडौँको क्षति
जेठ ६, २०८१ आइतबार
तपाईको आजको राशीफल कस्तो छ ?
जेठ ७, २०८१ सोमबार
कार्यदलको बैठक बस्न नसक्दा संसदीय छानबिन समिति गठन प्रक्रिया अन्योलमा
जेठ ७, २०८१ सोमबार
इरानी राष्ट्रपति चढेको हेलीकप्टर दुर्घटनाग्रस्त अवस्थामा फेला
जेठ ७, २०८१ सोमबार
काठमाडौंमा सुन लुटपाट गर्ने दुई जना पक्राउ
जेठ ७, २०८१ सोमबार
सभामुख घिमिरेले बोलाए कार्यव्यवस्था परामर्श समितिको बैठक
जेठ ७, २०८१ सोमबार
आठ खर्ब ५३ अर्ब लागतका विभिन्न आयोजना अगाडि बढाउँदै विद्युत् उत्पादन कम्पनी
जेठ ७, २०८१ सोमबार