गैरजिम्मेवार ओली सरकार
नेपालबहस संवाददाता
भदौ ५, २०७७ शुक्रबार १७:४६:३२
सम्पादकीय
५ भदौ, काठमाडौं । काठमाडौं उपत्यकामा आज दोस्रो दिनपनि जनजीवन ठप्प भएको छ । हिन्दू नारीको महानचाड हरितालिका तीज कोरोना कहरको चपेटामा परेको छ । आराध्यदेव श्रीपशुपतिनाथ लगायत राजधानीका देवालय बन्द छन् । सरकारले कोरोनासँग लड्न भन्दै एक साताका लागि निषेधाज्ञा जारी गरेको छ । नाम फरक दिइएपनि यो लकडाउनकै अर्काे स्वरुप हो । उपत्यकावासीले फेरि पनि सरकारी आदेशको पालना गरेका छन् । जनता घर भित्रै थुनिएका छन् । एउटा आशामा कि – अब चाहिं सरकारले केही गर्ला ।
जनतालाई घर भित्र थुनेर मात्रै कोभीड विरुद्ध लड्न सकिन्न । यसका लागि स्वास्थ्य रणनीति र कार्ययोजना आवश्यक पर्छ । सरकारले लकडाउन वा निषेधाज्ञा जे भनेपनि यो अवधिमा ठोस काम गर्नुपर्ने हो । तर विगत हेर्ने हो भने त्यो संभावना देखिन्न । यसअघि पनि सरकारले चार महिना त लकडाउन गरेर जनतालाई घर भित्रै बन्दी बनाएको हो । तर यस अवधिमा सरकारले कोभिड नियन्त्रणका लागि माखो मारेन । सरकारी संयन्त्रलाई त लाग्यो कि जनता घर भित्र थुनिदिंदा कोरोना आफैं गायव हुन्छ । त्यही गल्तीले गर्दा अहिले स्थिति नियन्त्रण बाहिर जाने खतरा बढेको हो ।
अनेक वाधा र संकट सहेर आम नागरिकले सरकारी आदेशको तामेली गरेका हुन् । न कि सत्ता जोगाउने हतियारका रुपमा नेकपा नेताहरुलाई लाइसेन्स दिइएको हो यो अवधि । जनतालाई थुनेर सत्ताको घृणित राजनीतिमा फन्को मार्दै गरेका नेकपा नेताहरुले चार महिनाको अवधिमा नागरिकलाई सास्ती मात्रै दिए । कोरोना रोकथामका लागि कुनै प्रभावकारी रणनीति बनाइएन । फेरि पनि त्यही नियति दोहाेरिने अवस्था छ । अहिलेको निषेधाज्ञाका बेला पनि सरकार आफ्नै धुनमा मस्त छ । कोरोना रोकथाम र नियन्त्रणका लागि कुनै कार्ययोजना तयार गरिएको छैन । फेरि पनि पुरानै शैली अबलम्बन गर्दैछ । अर्थात, जनजीवन ठप्प बनाउने अनि आफू चाहिं सत्ताको चास्नीमा डुब्ने । सडकमा बाक्लो सुरक्षाकर्मी तैनाथ गर्ने वित्तिकै कोरोना भाग्छ भन्ने गलत सोच र शैली नै समस्याको मूल जड हो ।
अब हामी आयातित कोरोनाको जोखिममा मात्र सीमित छैनौं । समुदाय स्तरमा समेत कोरोना फैलिइसकेको छ । कुनै ट्राभल हिस्ट्री नभएकाहरु समेत संक्रमित भइरहेका छन् । उनीहरुलाई आइसोलेशनमा राख्ने क्षमताको समेत सरकारल बन्दोबस्त गरेन । अहिले ५० जना सिरियस भए भने उनीहरुलाई राख्ने भेण्टीलेटरको समेत व्यवस्था गरिएको छैन ।
नागरिकलाई जीविकोपार्जन गर्ने अधिकारबाट बञ्चित गरेको सरकार आखिर के गर्दैछ त ? भनेर आम मानिसले चासो राखेका छन् । विगतबाट पाठ सिकेर यो निषेधाज्ञाको अवधिलाई उपयोगी र प्रभावकारी बनाउन सरकार सक्रिय होला कि भन्ने अपेक्षा पनि नागरिक तहमा हुनु स्वभाविक हो । त्यसैले अबका हरेक दिनको निषेधाज्ञाको औचित्य सरकारले पुष्टि गर्नै पर्छ । जनताले सरकारले भनेको सबै मानिदिएका छन् । तर सरकार भने कोरोना रोकथाम र नियन्त्रणका लागि आफैं गम्भीर छैन ।
सरकारका तर्फबाट भएको प्रमुख कमजोरी भनेकै कन्ट्याक ट्रेसिङ र परीक्षणमा देखाइएको उदासिनता हो । अब हामी आयातित कोरोनाको जोखिममा मात्र सीमित छैनौं । समुदाय स्तरमा समेत कोरोना फैलिइसकेको छ । कुनै ट्राभल हिस्ट्री नभएकाहरु समेत संक्रमित भइरहेका छन् । उनीहरुलाई आइसोलेशनमा राख्ने क्षमताको समेत सरकारल बन्दोबस्त गरेन । अहिले ५० जना सिरियस भए भने उनीहरुलाई राख्ने भेण्टीलेटरको समेत व्यवस्था गरिएको छैन । त्यसैले नागरिकलाई घरमै होम आइसोलेशनमा बस्न भन्छ सरकार । जबकी राजधानीमा एउटा कोठा भाडामा लिएर बस्नेहरु प्रशस्त छन् । उनीहरुलाई राख्ने ल्याकत समेत सरकारले बनाएन । केवल घरमा थुनेर आफ्नो दायित्व पूरा गरेको ठान्छ सरकार ।
घर फर्केको चार दिनपछि उनी संक्रमित भएको पुष्टी भयो । होम आइसोलेशनमा बसेका उनले यस अवधिमा आफूसँग सम्पर्कमा आएकाहरुको सूची स्थानीय वडा कार्यालयलाई जानकारी गराए । तर ११ दिनसम्म उनीसँग सम्पर्कमा आएकाहरुको खोजखबर भएन । यस अवधिमा उनीसँग सम्पर्कमा रहेकाहरु समाजमा खुलेआम हिंडे । यसबाट संक्रमण फैलने जोखिम अझै थपियो । तर सरकारले कुनै वास्ता गरेन । पछि ती मध्ये तीनजनामा कोरोना पुष्टि भयो ।
अर्काे ठूलो समस्या भनेको कन्ट्याक ट्रेसिङमा गरिएको लापरबाही हो । एकजनामा पुष्टि भइसकेपछि उसँग सम्पर्कमा रहेकाहरुको पहिचान र परीक्षण गर्न सरकारले आनाकानी गरेकाले नै राजधानीलगायत क्षेत्रमा स्थिति भयाबह बन्दैछ । घरमा बन्दी बनाएर मात्रै समस्याको हल निस्कन्न । जबसम्म सम्पर्कमा आएकाहरुको पहिचान र परीक्षणको दायरा बढाइन्न । तर सरकार भने त्यो दिशामा न त गम्भिर देखियो, न चासो नै राख्यो ।
संसद् सचिवालयका एक जना सहसचिवले आफ्नो व्यथा सामाजिक सञ्जालमा भर्खरै सार्वजनिक गरे । उनको दारुण कथा पठ्दा लाग्यो – सहसचिव जस्तो पहुँचवालाको त हालत यस्तो छ भने, अरुको के होला ? संसद्को लेखासमिति सचिव समेत रहेका उनी सांसद्हरुसहित स्थलगत अबलोकनका लागि तराई क्षेत्र गएका थिए । फर्कंदा उनी संक्रमित भए । घर फर्केको चार दिनपछि उनी संक्रमित भएको पुष्टि भयो ।
होम आइसोलेशनमा बसेका उनले यस अवधिमा आफूसँग सम्पर्कमा आएकाहरुको सूची स्थानीय वडा कार्यालयलाई जानकारी गराए । तर ११ दिनसम्म उनीसँग सम्पर्कमा आएकाहरुको खोजखबर भएन । यस अवधिमा उनीसँग सम्पर्कमा रहेकाहरु समाजमा खुलेआम हिंडे । यसबाट संक्रमण फैलने जोखिम अझै थपियो । तर सरकारले कुनै वास्ता गरेन । पछि ती मध्ये तीनजनामा कोरोना पुष्टि भयो । उनीहरुको सम्पर्कमा आएकाहरुको खोजी भएको छैन । यस्तो अवस्थाले कोरोना संक्रमणको सिक्री चुँडिएला ? प्रश्न गम्भीर छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसहमतिका नाममा शीर्ष नेताको जात्रा हेरिनसक्नु छः घिमिरे
पुष २०, २०८० शुक्रबार
टिकटकमाथि प्रतिबन्धः भ्रम र यथार्थ
कात्तिक ३०, २०८० बिहिबार
संयुक्त राष्ट्रसंघमा नेपाल
कात्तिक १२, २०८० आइतबार
एसपीको ड्राइभर कि घुमुवा ?
नेपालबहस संवाददाता
बैशाख १७, २०८१ सोमबार
बिहानै कतार एयरको विमानसँग सिम्रिक हेलिकप्टर ठोक्किन आइपुगेपछि.....
नेपालबहस संवाददाता
बैशाख १८, २०८१ मंगलबार
नबिल बैंकको वीरगञ्ज शाखाबाट १ करोड ३४ लाख नोट चोरी, चोर खोज्दै प्रहरी
नेपालबहस संवाददाता
बैशाख १८, २०८१ मंगलबार
बिहानै कतार एयरको विमानसँग सिम्रिक हेलिकप्टर ठोक्किन आइपुगेपछि.....
बैशाख १८, २०८१ मंगलबार
नबिल बैंकको वीरगञ्ज शाखाबाट १ करोड ३४ लाख नोट चोरी, चोर खोज्दै प्रहरी
बैशाख १८, २०८१ मंगलबार
नबिल बैंक वीरगञ्ज शाखाबाट रकम चोरी गरेको आरोपमा चार जना पक्राउ
बैशाख १८, २०८१ मंगलबार
आज अन्तराष्ट्रिय श्रमिक दिवस विभिन्न कार्यक्रम गरी मनाउँदै, सार्वजनिक विदा
बैशाख १९, २०८१ बुधबार
कोशी, मधेस र लुम्बिनी प्रदेशमा हावाहुरीको सम्भावना, सतर्क रहन अनुरोध
बैशाख १९, २०८१ बुधबार
तपाईको आजको राशीफल कस्तो छ ?
बैशाख १९, २०८१ बुधबार
समृद्धि हासिल गर्न तीन तहको सरकारबीच सहकार्य आवश्यक : महामन्त्री शर्मा
बैशाख १८, २०८१ मंगलबार
घट्यो डिजेल र मट्टीतेलको मूल्य, हवाई इन्धनको बढ्यो
बैशाख १८, २०८१ मंगलबार