एनएमबि बैंकका संचालकमा रविशंकर सैंजूको प्रवेश, आजबाट संयुक्त कारोबार सुरु

७ भदौ, काठमाडौं । एनएमबि बैंक लिमिटेडको संचालकमा रविशंकर सैंजू नियुक्त भएका छन् । बैंकको संस्थापक शेयरधनी एफएमओ, नेदरल्याण्ड्सका तर्फबाट प्रतिनिधित्व गर्ने संचालक निको पिलकोको ठाउँमा वैकल्पिक संचालक बनेर उनी बैंक भित्रिएका हुन् ।

बैंकले सैंजूलाई गत असार २५ गते संचालक नियुक्त गरे पनि नेप्सेमा भने आजमात्र जानकारी गराएको छ । कोभीड–१९को जोखिमका कारण सैंजूले सपथ नलिएको एनएमबिका कम्पनी सचिव प्रमोदकुमार दाहालले जानकारी दिए ।

यसैबीच आजैबाट सहयोगि विकास बैंक विलय गरी एनएमबि बैंकले संयुक्त कारोबार सुरु गरेको छ ।