नबिल व्यालेन्स र नबिल इक्विटी फण्डका इकाईधनीले १५ प्रतिशत प्रतिफल पाउने

११ भदौ, काठमाडौं । नबिल इन्भेष्टमेण्ट बैंकिङ्ग योजनाको व्यवस्थापनमा संचालन भईरहेका दुई सामूहिक लगानी कोष  : नबिल व्यालेन्स फण्ड २ र नबिल इक्विटी फण्डले आर्थिक वर्ष २०७६/७७ को प्रतिफल घोषणा गरेका छन् । हिजो दिउँसो २ बजे बसेको सञ्चालक समितिको बैठकले नबिल व्यालेन्स फण्ड २ का इकाईधनीलाई ९ प्रतिशत र नबिल इक्विटी फण्डका इकाईधनीलाई ६ प्रतिशत प्रतिफल घोषणा गरेको थियो । नबिल व्यालेन्स र नबिल इक्विटी फण्डका इकाईधनीले क्रमशः ९ प्रतिशत र ६ प्रतिशत गरी जम्मा १५ प्रतिशत प्रतिफल पाउने भएका हुन् ।

आर्थिक वर्ष प्रतिफल घोषणाबारे नबिल इन्भेष्टमेन्टले नेपाल स्टक एक्सचेन्जलाई जानकारी गराइसकेको छ । नबिल व्यालेन्स फण्ड–२ का इकाईधनीहरूले कर सहित १० करोड ८ लाख रूपैयाँ बराबरको प्रतिफल र नबिल इक्विटी फन्डका इकाईधनीहरूले कर सहित ७ करोड ५० लाख रूपैयाँ बराबरको प्रतिफल पाउने भएका छन्।