विराटनगरमा मृत्यु भएका पुरुषमा कोरोना पुष्टि

२१ भदौ, विराटनगर । मोरङमा मृत्यु भएका एक व्यक्तिमा कोरोना पुष्टि भएको छ । विराट मेडिकल कलेजमा बुढीगंगा गाउँपालिका– ४ का ५२ वर्षीय पुरुषको मृत्युपछि कोरोना संक्रमण पुष्टि भएको अस्पतालले जनाएको छ ।

तीन दिनअघि अस्पताल भर्ना भएका उनलाई निमोनियाको समस्या देखिएको थियो । उपचारका क्रममा उनको आइतबार दिउँसो साढे ३ बजे मृत्यु भएको थियो । मृत्युपछि कोरोना जाँच रिपोर्ट पोजेटिभ आएको हो । मृतक पुरुषमा मधुमेह र उच्च रक्तचापको समस्या पनि थियो । दीर्घरोग भएका व्यक्तिमा कोरोना संक्रमणको दर र मृत्युको सम्भावना उच्च हुन्छ् ।