गलत रिपोर्ट निकालेर नेशनल लाईफको एकनम्बर देखिने झुटो तरिका, यस्तो छ रहस्य
आर्थिक संवाददाता
भदौ २३, २०७७ मंगलबार २१:४२:५७
२३ भदाै, काठमाडाैं । जीवन बीमा कम्पनी नेशनल लाईफ इन्स्योरेन्सले गलत वित्तीय विवरण सार्वजनिक गर्दै लगानीकर्तादेखि बीमा बजारमा नै गलत सुचना प्रवाह गरेको छ । प्रतिशेयर आम्दानीलाई धेरै देखाएर लगानीकर्तालाई रनभुल्ल बनाउने काम नेशनल लाईफ इन्स्योरेन्सले गरेको हाे ।
याे जीवन बीमा कम्पनीले आर्थिक वर्ष ०७६/७७ को चौथो त्रैमासिक रिपोर्टमा उल्लेख भएअनुसार कम्पनीले १६ रुपैयाँ ९२ पैसा प्रतिशेयर आम्दानी सार्वजनिक गरेको छ । तर कम्पनीको चुक्ता पुँजी ३ अर्ब ८ करोड र खुद मुनाफा ३९ करोड १२ लाख रहेकोमा कम्पनीको प्रतिशेयर आम्दानी १२ रुपैयाँ ६९ पैसा मात्र हुन्छ । यसरी नेशनल लाईफ इन्स्योरेन्सले ४ रुपैयाँ २२ पैसा धेरै प्रतिशेयर आम्दानी निकालेको छ ।
यस्तो छ तथ्याङ्क :
चुक्ता पुँजी : ३ अर्ब ८ करोड
खुद मुनाफा : ३९ करोड १२ लाख
वास्तविक प्रति शेयर आम्दानी : १२ रुपैयाँ ६९ पैसा
प्रकाशित प्रति शेयर आम्दानी : १६ रुपैयाँ ९२ पैसा
फरक : ४ रुपैयाँ २२ पैसा
प्रतिशेयर आम्दानी धेरै देखाउने यस्तो छ कारण ?
नेपालको निकै पुरानो जीवन बीमा कम्पनी भएपनि नेपाल लाईफ र एलआईसी नेपालको अघि नेशनल लाईफले व्यापार गर्न सकेको छैन । त्यस्तै नयाँ आएका जीवन बीमा कम्पनीहरुले पनि निकै आक्रामक व्यापार गरिरहेको बेलामा कुनै दिन ती नयाँ कम्पनीले नेशनल लाईफलाई प्रिमियम संकलनमा जित्ने देखिन्छ ।
आफुलाई प्रतिशेयर आम्दानीको मामलामा एक नम्बरको देखाउन नेशनल लाईफले यसरी गलत रिपोर्ट निकालेको देखिन्छ । कम्पनी केही समय आक्रामक रुपमा व्यापार गर्न चाहन्छ र यसरी प्रतिशेयर आम्दानीलाई धेरै देखाउँदा कम्पनीको आक्रामक व्यापारको पछाडीको एउटा चाल भएको कुरामा दुईमत छैन् ।
याे सरासर ठगी भएकाे लगानीकर्ताकाे भनाई छ । प्रतिशेयर आम्दानी निकाल्ने सुत्र सो बीमा कम्पनीका चार्टर्ड एकाउण्टेनदेखि सीईओसम्मको व्यवस्थापनले नजानेर हो वा जानाजान जनता ढाट्न गरिएको प्रपञ्च हो भन्ने बारे खुलेको छैन् । यस्तो गम्भीर गल्तीको बीमा समितिले अनुसन्धान र कारवाही गर्नुपर्ने आवाज लगानीकर्ताहरुले उठाएका छन् ।
कम्पनीले प्रकाशित गरेको सो वित्तीय विवरणका बारेमा नेपालबहस डटकमले सीईओ भरत बस्नेतदेखि डेपुटी सीईओ सुरेशप्रसाद खत्रीसम्मलाई लगातार सम्पर्क गर्ने प्रयत्न गर्यो तर उनीहरु दुवैले फोन उठाएनन् । प्रतिक्रिया लिने क्रममा सो बीमा कम्पनीका सञ्चालक राजीवबिक्रम शाहसँग कुरा गर्दा उनले वित्तीय विवरण पास गर्ने बोर्ड बैठकमा आफु नगएको बताउँदै पछि घरमै ल्याएको वासलात र माइन्युटमा हस्ताक्षर गरेको बताए ।
आन्तरिक लेखा परीक्षणदेखि बाह्रय लेखा परीक्षण तथा कम्पनीका उच्च व्यवस्थापक र अरु सञ्चालकले हेरेको कुरा ठीकै होला भनेर आफुले अध्ययन नै नगरी स्वीकुतिमा हस्ताक्षर गरेको सञ्चालक शाहको दावी थियो ।
प्रेमा राज्यलक्ष्मी सिंह अध्यक्ष रहेको यस जीवन बीमा कम्पनीमा नेपाल उद्योग बाणिज्य महासंघ कि अध्यक्ष भवानी राणादेखि लिएर संविधानसभा सदस्य राजीवबिक्रम शाह, राष्ट्रिय बाणिज्य बैंकका डेपुटी सीईओ कविराज अधिकारी, पूर्व रथी पवनबहादुर पाँडे, कुलदीप शरण सिंह र महेश्वर प्रकाश श्रेष्ठ जस्ता आआफ्नो क्षेत्रका लब्ध प्रतिष्ठित व्यक्तिहरु सञ्चालक समितिमा बिराजमान छन् । त्यस्तै भरत बस्नेत सीईओ, सुरेशप्रसाद खत्री डेपुटी सीईओ र प्रतापमान श्रेष्ठ सहायक महाप्रबन्धकका रुपमा कार्यरत छन् ।
आर्थिक संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपगिरीबन्धु टि स्टेटको जग्गा किनबेचमा पुनरावलोकन गर्न नपाइने, नैतिक संकटमा ओली
जेठ २, २०८१ बुधबार
गिरीबन्धु टि स्टेटको जग्गा किनबेचमा पुनरावलोकन गर्न नपाइने, नैतिक संकटमा ओली
जेठ २, २०८१ बुधबार
भान्सामा राखिएका यी चिजले घरमा गरिबी ल्याउछ आजै हटाउनुहोस्
जेठ २, २०८१ बुधबार
पेट्रोलियम पदार्थको मूल्य घट्यो
जेठ २, २०८१ बुधबार
प्रतिनिधिसभाको बैठक आज बस्दै, कांग्रेसको अवरोधले चल्छ त संसद ?
जेठ ३, २०८१ बिहिबार
१० महिनामा एक लाख ७७ हजार पर्यटकद्वारा अन्नपूर्ण क्षेत्रको भ्रमण
जेठ ३, २०८१ बिहिबार
कस्तो छ आजको मौसम ?
जेठ ३, २०८१ बिहिबार
हृदयाघातबाट दैनिक १० हजार युरोपेलीको मृत्यु
जेठ २, २०८१ बुधबार
लाङटाङ हिमाल पदमार्गमा सरसफाइ गरिने
जेठ २, २०८१ बुधबार
टेबल टेनिस खेलाडी स्यान्टु पेरिस ओलम्पिकमा छनोट
जेठ २, २०८१ बुधबार