बन्दीपुरका होटल व्यवसायीको लगानी जोखिममा
नेपालबहस संवाददाता
असोज २, २०७७ शुक्रबार २२:०:४
२ असोज ,दमौली । कोभिड–१९ को जोखिम न्यूनीकरणका लागि गरिएको बन्दाबन्दीले तनहुँको पर्यटकीय नगरी बन्दीपुरका व्यवसायीको करोडौं लगानी जोखिममा परेको छ । सरकारले घोषणा गरेको भ्रमण वर्ष–२०२० लाई लक्षित गरी होटल व्यवसायमा गरिएको लगानी जोखिममा परेको व्यवसायीहरुले बताएका छन् ।
भ्रमण वर्ष २०२० लाई लक्षित गरी बन्दीपुरमा नयाँ होटल निर्माण भएपनि लगत्तै भएको बन्दाबन्दीले व्यवसायी मारमा परेको क्षेत्रीय होटल व्यवसायी सङ्घ बन्दीपुरका अध्यक्ष विपीन प्रधानले जानकारी दिए । “भ्रमण वर्ष लक्षित गरेर व्यवसायीले नयाँ होटल निर्माण गरे, पुरानो होटल व्यवसायीले पनि मर्मततर्फ लगानी गरेका थिए”, उनले भने , “तर कोभिड–१९ का कारण नेपालमा बन्दाबन्दी भयो, जसका कारण होटल व्यवसायीको लगानी खतरामा परेको छ ।”
विशेषगरी बाह्य पर्यटकले धानेको बन्दीपुरको पर्यटनलाई अब कसरी ब्युँझाउने भन्नेमा व्यवसायी छलफलमा रहेको अध्यक्ष प्रधानले जानकारी दिए । “बन्दीपुर विशेषगरी विदेशी पर्यटकले धानेको नगर हो, कोभिड–१९ का कारण यहाँको व्यवसाय पूरै धाराशायी स्थितिमा पुगेको छ”, उनले भने , “यसलाई फेरि पुर्नजीवित गराउन आवश्यक छ ।” सरकारले असोज १ गतदेखि होटल तथा रेष्टुरेण्ट खोल्न अनुमति दिएसँगै होटल व्यवसायीले होटल तथा रेष्टुरेण्ट खोलेका छन् । कोभिड–१९ को जोखिम कायमै रहेकाले स्वास्थ्य सुरक्षा मापदण्ड अपनाएर होटल सञ्चालन गरिने अध्यक्ष प्रधानको भनाइ छ । “साउन १५ गतेदेखि सरकारले होटल खोल्न भनेपछि हामीले होटल खोल्यौ, तर केही दिनमै पुनः बन्द गर्ने निर्णय भयो”, उनले भने ।
होटल दरबार हिमालयका सञ्चालक वैश गुरुङले भ्रमण वर्ष तयारी गरेर लगानी गरेका व्यवसायी लगानी डुब्ने हो की भन्ने चिन्तामा रहेको बताए । “कतिपय होटल नयाँ खुले, कतिपयले पुराना होटल मर्मत गरेर सेवा विस्तार गरे”, उनले भने, “तर लगत्तै भएको बन्दाबन्दीले व्यवसायीलाई मार प¥यो ।” व्यवसाय सञ्चालन गरिएपनि पर्यटक आउने नआउने अझै द्विविधा रहेको उनले बताए । “विदेशी पर्यटकको त अहिले सम्भावना रहेन, तर स्वदेशी पर्यटक आउने आशा छ”, उनले भने , “सबै मापदण्ड अपनाएर सेवा सञ्चालन गर्न व्यवसायी तयार छन् ।” गत वर्ष डेढ लाख पर्यटकले बन्दीपुर भ्रमण गरेका थिए । भ्रमण वर्ष २०२० मा तीन लाख भन्दा बढी पर्यटक बन्दीपुर आउने अनुमान थियो ।
बन्दीपुरमा होटल सङ्घसँग आबद्ध साना ठूला गरी ७७ होटल सञ्चालनमा छन् । बन्दीपुरमा ग्रिनपार्क, होटल दरबार हिमालय फेवा, गामघर, वोल्डईन, बन्दीपुर माउण्टेन रिसोर्ट, बन्दिपुर प्यालेस, मगर भिजेललगायत होटल सञ्चालनमा छन् । बन्दीपुरबाट अन्नपूर्ण, माछापुच्छे«, धौलागिरीलगायत हिमश्रृङ्खला देखिन्छ । भक्तपुरे शैलीमा निर्माण गरिएको घरहरु, टुँडिखेल, थानीमाई, तीनधारा, रानीबन, रामकोट, सुनखरी, खड्देवी मन्दिर, विन्ध्यवासिनी मन्दिर, महालक्ष्मी मन्दिर, सूचना केन्द्र लगायतका स्थलहरु यहाँ आउने पर्यटकहरुका लागि आकर्षणको केन्द्रबिन्दु बन्ने गरेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपमहत्वाकांक्षी लक्ष्यसहित तयार भयो सोह्रौँ पञ्चवर्षीय आवधिक योजना
बैशाख ३१, २०८१ सोमबार
सुनकोसी मरिण डाइभर्सन सुरुङको आज 'ब्रेक थ्रू' हुँदै
बैशाख २६, २०८१ बुधबार
भारतले प्याज निर्यातमा प्रतिबन्ध हटायो
बैशाख २२, २०८१ शनिबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
नेपालबहस संवाददाता
बैशाख ३०, २०८१ आइतबार
बजेट बनाउन अर्थमन्त्रीको टीम भन्दा गिरोह सक्रिय, करका दरमा खेल्ने प्रयास
नेपालबहस संवाददाता
बैशाख २९, २०८१ शनिबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
नेपालबहस संवाददाता
बैशाख ३०, २०८१ आइतबार
उदघाटन गरेको ९ दिन नपुग्दै हावाले भत्कायो इलाका प्रहरी कार्यालय जयनगरको पर्खाल
बैशाख ३१, २०८१ सोमबार
मधेशमा नयाँ सरकार गठनका लागि आज ४ दलले एमालेको नेतृत्वमा दाबी पेश गर्दै
बैशाख ३१, २०८१ सोमबार
सुँगुरको मिर्गौला प्रत्यारोपण गरिएका रिचर्डको निधन
बैशाख ३१, २०८१ सोमबार
राजनीति देश र जनताका लागि हुनुपर्छ : उपसभापति गुरुङ
बैशाख ३१, २०८१ सोमबार
ठूला सरकारी अस्पतालमा जनशक्ति थप्ने नवनियुक्त स्वास्थ्यमन्त्री यादवको निर्णय
बैशाख ३१, २०८१ सोमबार
नेपालको वित्तीय सङ्घीयता कार्यान्वयनमा मध्यम प्रगति, प्रदेश र स्थानीय तह घाटामा
बैशाख ३१, २०८१ सोमबार
धनगढी र दार्चुलामा करेन्ट लागेर दुई जना घाइते
बैशाख ३१, २०८१ सोमबार
पोखराबाट खैरो हिरोइनसहित दुई जना पक्राउ
बैशाख ३१, २०८१ सोमबार
कर्णालीमा जबरजस्ती करणीका मुद्दा धेरै
बैशाख ३१, २०८१ सोमबार