पद्मश्री साहित्य सम्मान ‘हंस’लाई, तर प्रश्रितसँग पुरस्कार नलिने उप्रेतिको घोषणा

११ असोज, काठमाडौं । यस वर्षको पद्मश्री साहित्य सम्मान ‘हंस’ उपन्यासलाई दिइने भएको छ । हंस पूस्तकका लेखक सञ्जीव उप्रतीलाई खेमलाल हरिकला लामिछाने समाज कल्याण प्रतिष्ठानले तीन लाख रुपैयाँ राशीको यो पुरस्कार दिने निर्णय गरेको हो ।

गत बर्ष प्रकाशित भएको यो पूस्तकमा जीवन, जगत र समग्र मानव जीवनको यतार्थ चित्रण छ । त्यस्तै, यस वर्षको पद्मश्री साधना सम्मान साहित्यकार मोदनाथ प्रश्रितलाई दिइने भएको छ। विगत छ दशकदेखि नेपाली काव्य, निबन्ध, नाटक, आख्यान, समालोचना तथा संस्कृति लेखनका माध्यमबाट समाज रुपान्तरण तथा राष्ट्रिय एकतामा महत्वपूर्ण योगदान पुर्‍याएका प्रश्रितलाई उक्त सम्मान दिने निर्णय भएको प्रतिष्ठानले जनाएको छ।

२०६३ सालदेखि खेमलाल हरिकला लामिछाने प्रतिष्ठान चितवनले नेपाली साहित्यका वर्षभरि प्रकाशित पुस्तकमध्ये निर्णायक मण्डलले उत्कृष्ट ठहर्‍याएको पुस्तकलाई प्रत्येक वर्ष पद्मश्री साहित्य पुरस्कार र २०६७ सालदेखि प्रतिष्ठानले साहित्य, कला, सङ्गीत, अभिनय आदि क्षेत्रमा दीर्घ साधना गर्नुहुने वरिष्ठ साधकलाई पद्मश्री साधना सम्मान दिँदै आएको छ।

तर हंस प्रस्तकका लेखक सञ्जीव उप्रेतिले एउटै मञ्चमा मोदनाथ प्रश्रितसँग उभिएर पुरस्कार नलिने बताएका छन् । भ्रष्टाचा विरोधी अभियान्ता शारदा भुषालले ८ महिनासम्म आफूलाई प्रश्रितले बन्धक बनाएर बलात्कार गरेको आरोप लगाएकी थिइन् । खबरदार नामक पूस्तकमार्फत भुषालले प्रश्रितको यौन दुव्र्यवहारबारे खुलासा गरेकी थिइन ।