जाजरकोटमा जीप दुर्घटना हुँदा वडाध्यक्षसहित ५ जनाको मृत्यु

२१ असोज, सुर्खेत । जाजरकोटमा जीप दुर्घटना हुँदा वडाध्यक्षसहित पाँच जनाको मृत्यु भएको छ । सदरमुकाम खलंगाबाट जुनिचाँदे जाँदै गरेको जीप औलभीरमा दुर्घटना हुँदा पाँच जनाको मृत्यु भएको प्रहरीले जनाएको छ ।

जीप सडकबाट खोलामा खसेर दुर्घटनाग्रस्त भएको प्रहरीको भनाई छ । जीपमा सवार ७ जनामध्ये पाँच जनाको मृत्यु भएको र दुई जना अझै बेपत्ता छन् । मृत्तकको सनाखतका साथै घटनाबारे थप विवरण आउन बाँकी छ ।