भारत २ सय ४४ रनमै अलआउट

३ पुष, काठमाडौं । अष्ट्रेलियासँगको पहिलो टेस्ट क्रिकेटको पहिलो पालीमा भारत २ सय ४४ रनमै अलआउट भएको छ । एलिडेडमा टस जितेर पहिले व्याटिङ थालेको भारतले कप्तान विराट कोहलीको अर्धशतक मद्दतमा २ सय ४४ रन बनाउन सफल भएको हो ।

कोहलीले ७४ रन बनाउँदा अरु व्याट्सम्यानले गतिलो प्रदर्शन गर्न सकेनन् । उपकप्तान आजिन्क्या रहाणेले ४२ रन बनाउँदा चेतेश्वर पूजाराले ४३ रन बनाए । अष्ट्रेलियाका मिचेल स्टार्कले ४ तथ प्याट कुमिन्सले ३ विकेट लिए ।

आजै आफ्नो पहिलो पाली थालेको अष्ट्रेलियाले खराब शुरुवात गरेको छ । उसले ओपनर व्याट्सम्यान म्याथ्यु वाडेलाई ६ रनमै गुमाएको छ । भारतका जस्प्रित बुम्राहले पहिलो विकेट लिएका छन् । अष्ट्रेलिया भ्रमणमा रहेको भारतले यसअघि ट्वेन्टी ट्वेन्टी क्रिकेट श्रृंखला जितेको छ भने एकदिवसीय श्रृंखला गुमाएको छ ।

तर टेस्ट सिरिज जित्ने लक्ष्य राखेको छ ।