गुडविल फाइनान्सको सभाले गर्‍यो १२ प्रतिशत लाभांश वितरण गर्ने प्रस्ताव पारित

१ माघ, काठमाडौं । गुडविल फाइनान्सको साधारणसभाले १२ प्रतिशत लाभांश वितरण गर्ने प्रस्ताव पारित गरेको छ । बुधबार बसेको फाइनान्स कम्पनीको २६ औं साधारणसभाले उक्त लाभांश प्रस्ताव पारित गरेको हो । कम्पनीका अध्यक्ष विश्वप्रकाश साखले उक्त सभामा आर्थिक वर्षको प्रतिवेदन प्रस्तुत गरेका हुन् ।

संस्थाले निक्षेपतर्फ गत आर्थिक वर्षको तुलनामा २३.१८५ प्रतिशतले वृद्धि भई ८ अर्ब ४९ करोड ३९ लाख ९८ हजार ७१७ रुपैया तथा कर्जातर्फ १५.८८५ प्रतिशतले वृद्धि भई ६ अर्ब ८४ करोड ५ लाख ४५ हजार ५०४ रुपैयाले वृद्धि भएको कम्पनीले जनाएको छ ।

कम्पनीको आर्थिक वर्षको नाफा नाफाबाट ८.४५ बोनस शेयर तथा ३.६५ नगद लाभांश गरि जम्मा १२ प्रतिशत लाभांश पारित गरेको हो ।

साथै साधारण सभाले पारित गरेको ३.६५ प्रतिशतले हुन आउने नगद लाभांश शेयरधनीहरुको खातामा पठाइसकेको कम्पनीले जानएको छ ।