६ महिनामा साढे ६ खर्बको विदेशी वस्तु आयात
नेपालबहस संवाददाता
माघ ८, २०७७ बिहिबार २३:१३:२५
माघ ८, काठमाडौं । चालू आर्थिक वर्ष २०७७/ ७८ को पहिलो छ महिनामा विदेशी वस्तुको आयातमा कमी आउँदा निर्यातमा वृद्धि भएको छ । भन्सार विभागले सार्वजनिक गरेको ६ महिनाको (साउनदेखि पुस मसान्तसम्म) तथ्याङ्क अनुसार ५ प्रतिशत आयातमा कमी आउँदा ६ प्रतिशतले निर्यातमा वृद्धि भएको हो ।
विभागको तथ्याङ्क अनुसार चालू आवको छ महिनाको तथ्याङ्क अनुसार ६ खर्ब ६१ अर्ब २४ करोड रुपैयाँभन्दा बढीको विदेशी वस्तुको आयात भएको छ । गत आवको सोही अवधिको तुलनामा ४ दशमलव ८१ प्रतिशत कमी हो । गत आवको सोही अवधिमा ६ खर्ब ९४ अर्ब ६९ करोड रुपियाँ बराबरको विदेशी वस्तुको आयात भएको थियो ।
यसैगरी, छ महिनाको अवधिमा ६० अर्ब ७९ करोड ९९ लाख रुपियाँ बराबरको स्वदेशी वस्तु निर्यात भएको छ । गत आवको सोही अवधिको तुलनामा ६ दशमलव १४ प्रतिशतले निर्यातमा वृद्धि भएको छ । गत आवमा सोही अवधिमा ५७ अर्ब २७ करोड ७९ लाख रुपैयाँ बराबरको स्वदेशी वस्तु निर्यात भएको थियो । तथ्याङ्क अनुसार यो वर्ष व्यापार घाटामा ५ दशमलव ८० प्रतिशतले सुधार भएको छ । वैदेशिक व्यापारमा आयातको हिस्सा ९१ दशमलव ५८ र निर्यातको हिस्सा ८ दशमलव ४२ प्रतिशत रहेको छ ।
हिस्सागत रुपमा हेर्दा आयातको हिस्सा मात्र शून्य दशमलव ८७ प्रतिशतले घटेको छ । विभागको तथ्याङ्क अनुसार छ महिनामा ७ खर्ब २२ अर्ब ४४ करोड रुपैयाँ बराबरको वैदेशिक व्यापारबाट नेपालले ६ अर्ब ४६ करोड रुपैयाँ घाटा बेहोरेको छ । अघिल्लो आवको यसै अवधिको तुलनामा ५ दशमलव ८० प्रतिशतले गिरावट हो ।
चालू आवको छ महिनाको तुलनामा पुष महिनामा मात्र १ खर्ब ३६ अर्ब रुपियाँ बराबरको वस्तु आयात भएको छ । हालसम्म विभागले १ खर्ब ८७ अर्ब रुपैयाँ राजस्व संकलन गरिसकेको छ । यो वर्ष विभागले ४ खर्ब ४० अर्ब रुपैयाँ राजस्व संकलन गर्ने लक्ष्य लिएको छ ।
भन्सार विभागको तथ्याङ्क अनुसार चालू आर्थिक वर्षको पहिलो महिना (साउन) मा ८५ अर्ब ८० करोड रुपैयाँ, भदौमा ९३ अर्ब ४ करोड रुपैयाँ र असोज महिनामा १ खर्ब १३ अर्ब ४३ करोड रुपैयाँ बराबरको विदेशी वस्तु आयात भएको थियो । यसैगरी, कात्तिक महिनामा १ खर्ब १० अर्ब २२ करोड रुपैयाँ, मंसिर महिनामा १ खर्ब २३ अर्ब १ करोड रुपैयाँ र पुष महिनामा सबैभन्दा धेरै १ खर्ब ३५ अर्ब ७४ करोड रुपैयाँ बराबरको विदेशी वस्तु आयात भएको छ ।
छ महिनाको अवधिमा नेपालमा आयात हुने विदेशी वस्तुको पहिलो नम्बरमा पेट्रोलियम पदार्थ रहेको छ । छ महिनामा ३२ अर्ब ९३ करोड रुपैयाँभन्दा बढीको डिजेल आयात भएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपमेची भन्सारद्वारा रु एघार अर्ब ५९ करोड राजस्व संकलन
जेठ ६, २०८१ आइतबार
आन्तरिक स्रोतलाई दिगो बनाउँदै राजस्वको दायरा बढाउन कर प्रणाली सुधार गरिने
जेठ १, २०८१ मंगलबार
यातायात कार्यालय धनगढीद्वारा ५१ करोड राजश्व संकलन
बैशाख २७, २०८१ बिहिबार
अवनतिको बाटो फेर्न लागेको राजनीति र सुरक्षा चासो
सुबोधकुमार अधिकारी
जेठ ४, २०८१ शुक्रबार
विद्यार्थी मृत फेला परेपछि आक्रोशित भिडद्वारा स्कुलमा आगलागी
नेपालबहस संवाददाता
जेठ ४, २०८१ शुक्रबार
हावाहुरीले उदयपुरमा करोडौँको क्षति
जेठ ६, २०८१ आइतबार
ट्राफिक प्रहरी जवानको हत्या आरोपमा ६ जना पक्राउ
जेठ ६, २०८१ आइतबार
इरानी राष्ट्रपति चढेको हेलीकप्टर दुर्घटनाग्रस्त अवस्थामा फेला
जेठ ७, २०८१ सोमबार
काठमाडौंमा सुन लुटपाट गर्ने दुई जना पक्राउ
जेठ ७, २०८१ सोमबार
सभामुख घिमिरेले बोलाए कार्यव्यवस्था परामर्श समितिको बैठक
जेठ ७, २०८१ सोमबार
आठ खर्ब ५३ अर्ब लागतका विभिन्न आयोजना अगाडि बढाउँदै विद्युत् उत्पादन कम्पनी
जेठ ७, २०८१ सोमबार