सेफ बुढाथोकी न्यूजलाइन्स सम्मान–२०२१ बाट सम्मानित

१२ माघ, काठमाडौं । सेफ आर बि बुढाथोकी सम्मानित भएका छन् । न्यूजलाइन्स सम्मानबाट उनी सम्मानित भएका हुन् । न्यूजलाइन्स मिडियाद्वारा हिजो महाराजगंज स्थित अरिकल्स इभेण्टमा आयोजित चौथो वार्षिकोत्सव तथा सम्मान कार्यक्रममा उनी सम्मानित भएका हुन ।

न्यूजलाइन्स मिडियाले विभिन्न क्षेत्रमा क्रियाशील व्यक्तित्वहरुलाई सम्मान गर्ने गरेको छ । बुढाथोकी पाककला क्षेत्रबाट १५ उत्कृष्टमा पर्न सफल भएका हुन । कार्यक्रमका प्रमुख अतिथी बोधिसत्व स्वामी आनान्द अरुण र न्युजलाइन्स मिडियाका अध्यक्ष राजु भट्टले संयुक्त रुपमा सम्मानित गरेका थिए ।

पाककलाको क्षेत्रमा मात्र नभएर नेपाली, चाईनिज, जापानिज, लगायत धेरै देशका परिकार बनाउन दक्ष सेफका रुपमा परिचित उनी नेपाली सेफ जगतमा परिकार माष्टरको रुपमा चर्चामा रहँदै आएका छन् । यही नै आधारमा मुल्याङकन गरि उनलाई न्यूजलाइन्स सम्मान २०२१ बाट सम्मानित गरिएको न्युजलाइन्स मिडियाले जनाएको छ ।

को हुन आर बि बुढाथोकी ?

रामेछापमा जन्मिएका आर बि बुढाथोकी नेपालको प्रतिष्ठित पाँचतारे होटल होटल सोल्टी प्लाजाका सु-सेफ हुन । बुढाथोकीले यस अघि स्वदेश स्थित विभिन्न होटल, रेस्टुरेँण्ट एवम् शैक्षिक प्रतिष्ठान काम गरेर अनुभव हासिल गरेका छन् । उनले कुवेतमा गएर पनि पाककलामा आफ्नो दक्षता प्रस्तुत गरिसकेका छन् । खानाको अन्वेषण, खाना सम्बन्धी लेख रचना साथै पाकशिक्षा एवम् प्रशिक्षण कार्यमा उनी सकृय छन् ।