माघ २० गते बोलकबोलमार्फत् राष्ट्र बैंकले १० अर्बको विकास ऋणपत्र बिक्री गर्दै

१९ माघ, काठमाडौं । नेपाल राष्ट्र बैंकले १० अर्ब रूपैयाँ बराबरको विकास ऋणपत्र बिक्री गर्ने भएको छ ।
बैंकले ६ वर्ष अवधिको विकास ऋणपत्र २०८३ ‘ग’ नामको ऋणपत्र बिक्री गर्न लागेको हो । उक्त ऋणपत्रको व्याजदर बोलकबोलको माध्यमबाट निर्धारण हुनेछ ।

यसैगरी, उक्त ऋणपत्र बैंक तथा वित्तीय संस्था,गैर-बैंक वित्तीय संस्था, बीमा कम्पनी,संगठित संस्था तथा नेपाली नागरिकले खरिद गर्न सक्नेछन् । यो ऋणपत्र धितो राखी कर्जा लिनरदिन पाइनेछ । उक्त ऋणपत्रको बोलकबोल माघ २० गते मंगलबार अपरान्ह ३ बजेसम्म हुनेछ । माघ २१ गते निष्कासन भएर उक्त ऋणपत्रको साँवा २०८३ साल माघ २१ गते भुक्तानी हुनेछ ।

त्यस्तै, इच्छुक खरीदकर्ता प्रतिस्पर्धी र अप्रतिस्पर्धी रुपमा सहभागी हुन सक्नेछन् । प्रतिस्पर्धी खरीदकर्तालाई निष्काशित रकमको ८५ प्रतिशत अर्थात् ८ अर्ब ५ करोड रुपैयाँ र अप्रतिस्पर्धीका लागि १५ प्रतिशत अर्थात् १ अर्ब ५ करोड रूपैयाँ छुट्याइएको छ ।

विकास ऋणपत्र​को बारेमा अन्य विवरण यस प्रकारको छः