राष्ट्र बैंकले पत्र लेख्यो भन्नु मिडियाबाजी मात्रै हो : प्रवक्ता भट्ट

१९ माघ, काठमाडौं । दोस्रो बजारबाट लघुवित्तको शेयर खरिदविक्री गर्न बैंक तथा फाइनान्स कम्पनीमाथि राष्ट्र बैंकले रोक लगाएको भन्ने समाचार झुटो भएको राष्ट्र बैंकले जनाएको छ । केही संचारमाध्यममा राष्ट्र बैंकले पत्र लेखेको भन्दै समाचार प्रकाशित भएका थिए । सोही विषयमा नेपाल राष्ट्र बैंकका प्रवक्ता गुणाकर भट्टले त्यो विषयमा कुनै पत्र पठाएको आफुलाई जानकारी नभएको बताएका छन्

नेपालबहससँग कुरा गर्दै भट्टले भने : “मलाई कुनै सुचना आएको छैन । कहाँ ? कसरी ? केबाट यस्तो सुचना आयो । मलाई थाहा छैन । यहाँलाई कसरी भनूँ ।” सो समाचार पछि आज दोस्रो बजारमा लघुवित्त संस्थाको शेयरमा भारी मात्रामा गिरावट आएको छ ।