बाग्मती प्रदेशले मनायो तेस्रो वार्षिकोत्सव
नेपालबहस संवाददाता
माघ २९, २०७७ बिहिबार १८:२३:५१
२९ माघ,मकवानपुर । बाग्मती प्रदेशका प्रमुख विष्णुप्रसाद प्रसाइँले संविधानको मर्म र भावनालाई आत्मसात गर्दै प्रदेश सरकारले आफ्नो जिम्मेवारीलाई जनताको माझमा इमान्दारीपूर्वक लैजान गरिएको प्रयास जनमुखी रहेको बताएका छन् ।
उनले प्रदेश सरकार गठन भएको तीन वर्ष पूरा भएको उपलक्ष्यमा आज हेटौंडामा आयोजित तेस्रो वार्षिकोत्सव समारोहको उद्घाटन गर्दै जनता अहिले राजनीतिक आन्दोलन होइन, शान्तिपूर्णरुपमा आफ्नो व्यवहारिक जीवन धान्ने योजना चाहेको बताएका छन् ।
प्रदेश प्रमुख प्रसाइँले प्रदेशको विभिन्न जिल्लामा राष्ट्रिय गौरवको आयोजना तथा बहुवर्षीय योजना कार्यान्वयन गर्न सरकारले गरेको प्रयास जनताबीच लोकप्रिय रहेको उल्लेख गर्दै प्रदेश सरकारप्रति आम प्रदेशवासीको विश्वास र भरोसा छ, त्यसैले केही समूहबाट हुने राजनीतिक आन्दोलनलाई उनीहरुले स्वीकार नगर्ने स्पष्ट पारेका छन् ।
प्रदेश सरकार विसं २०७४ माघ २९ गते गठन भएको र सोही दिन मुख्यमन्त्री पदमा प्रदेशसभाका ज्येष्ठ सदस्य डोरमणि पौडेलले मुख्यमन्त्री पदको शपथ ग्रहण गरेका थिए । सो अवसरमा बाग्मती प्रदेशका मुख्यमन्त्री डोरमणि पौडेलले प्रदेश सरकार गठन भएको तीन वर्षको अवधिमा सरकारले प्रदेशको १३ वटै जिल्लामा सन्तुलित विकास योजनाको बाँडफाँड र बजेट विनियोजित गरेर पारदर्शीका साथ आफ्नो जिम्मेवारी पूरा गर्दै आएको र जनतालाई आर्थिक समृद्धितर्फ उन्मुख गराउने भूमिकामा बहुवर्षीय योजना कार्यान्वयन भइरहेको बताएका छन् ।
उनले प्रदेशअन्तर्गत विभिन्न जिल्लाको दुर्गम भेगमा रहेका विपन्न परिवारको खरको घरलाई विस्थापित गरी जस्ताको छाना लगाउने र ती घरमा एक धारा वितरण गर्ने अभियान अन्तिम चरणमा पुगेको बताउँदै ती क्षेत्रमा सरकारले अनुगमन टोली पठाइसकेको बताए ।
मुख्यमन्त्री पौडेलले सरकारलाई आवश्यक पर्ने ऐन, कानून र निमावली तर्जुमा गरिसकेको बताउँदै सरकारले आफ्नो जिम्मेवारीमा पारदर्शी र इमान्दारीपूर्वक कर्तव्य पालना गर्दागर्दै पनि केही नेताहरुले अनावश्यक वादविवाद र आन्दोलनको घोषणा गरेर जनतामा प्रजातन्त्रप्रतिको वितृष्णा उत्पन्न गराउने काम गरेको दाबी गरे ।
बाग्मती प्रदेशका सभामुख सानुकुमार श्रेष्ठले प्रदेश सभाले सरकारलाई आवश्यकपर्ने विभिन्न ५८ ऐन कानूनको तर्जमा गरिसकेको र ११ ऐन संशोधनको लागि तयारी अवस्थामा राखिएको उल्लेख गर्दै आर्थिक समृद्धि, विकासको पूर्वाधार र दिगो शान्ति सुरक्षाको प्रबन्ध मिलाउन सरकारले आफ्नो भूमिकालाई गतिशील तुल्याउने कार्यमा एकजुट हुन आग्रह गरे ।
मुख्यमन्त्री तथा मन्त्रिपरिषद् कार्यालयका प्रमुख सचिव डा मानबहादुर विश्वकर्माले प्रदेशको १३ वटै जिल्लामा सरकारले सन्तुलित, एकीकृत विकास र बहुवर्षीय योजनालाई कार्यान्वयन गर्दै लगिएको बताउँदै स्वास्थ्य उपचारका लागि प्रत्येक जिल्लामा अस्पताल स्थापना र प्रत्येक विद्यालयमा एक नर्सको व्यवस्था गर्ने तयारी भइरहेको बताए ।
जिसस मकवानपुरका प्रमुख रघुनाथ खुलाल, शहीद गङ्गालाल हृदय रोग प्रतिष्ठानका कार्यकारी निर्देशक डा चन्द्रमणि अधिकारी र मुख्यमन्त्री तथा मन्त्रिपरिषद् सचिवालयका सचिव राधिका अर्यालले प्रदेश सरकारले तीन वर्षमा गरिएको आवधिक योजना अनुसार कार्यान्वयन भइरहेको र जनतालाई अहिले स्वास्थ्य उपचार, उच्च शिक्षा अध्ययनको लागि अवसर प्रदान गर्न विभिन्न रणनीति योजना कार्यान्वयन भइरहेको बताएका छन् ।
सो अवसरमा प्रदेश प्रमुख प्रसाइँले वाग्मती प्रदेश सरकारद्वारा प्रकाशित प्रदेश सरकारको तीन वर्षको तथ्याङ्क समावेश पुस्तक र प्रदेश नीति योजना आयोगद्वारा प्रकाशित प्रदेश विकास सम्बन्धी पुस्तकको विमोचन गरेका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपबागमतीमा चालु आवको भन्दा बढी बजेट, कार्यान्वयन हुनेमा विपक्षीको आशंका
असार १, २०८१ शनिबार
बागमती प्रदेशको बजेट ६४ अर्ब ५४ करोड ४ लाख ३१ हजार
असार १, २०८१ शनिबार
मेलम्ची बाढीको तीन वर्ष : पुनः निर्माण सुस्त, स्थानीयवासीको कथाव्यथा पनि उस्तै
असार १, २०८१ शनिबार
टेलिकमको इन्टरनेशनल ब्यान्डविथ खरिदमा मुद्दा चलाउने अख्तियारको तयारी
नेपालबहस संवाददाता
जेठ ३१, २०८१ बिहिबार
स्वास्थ्यका लागि निकै फाइदाजनक लसुन प्रयोग गर्ने तरिका जानौं
नेपालबहस संवाददाता
जेठ ३१, २०८१ बिहिबार
नेपालले टी- २० विश्वकप अन्तर्गत भोलि बिहान दक्षिण अफ्रिकासँग खेल्दै
नेपालबहस संवाददाता
जेठ ३२, २०८१ शुक्रबार
नेपालको हारले फ्यानका आँखामा आँसु, टुट्यो सुपर–८ को सपना !
असार १, २०८१ शनिबार
लज्जास्पद हारबारे संघ प्रमुख भागवत र सीएम योगीबीच आज छलफल हुने
असार १, २०८१ शनिबार
मेलम्ची बाढीको तीन वर्ष : पुनः निर्माण सुस्त, स्थानीयवासीको कथाव्यथा पनि उस्तै
असार १, २०८१ शनिबार
युरोकपमा इटालीको विजयी सुरुवात
असार २, २०८१ आइतबार
सुशासन र विधायन व्यवस्थापन समितिको बैठक बस्दै
असार २, २०८१ आइतबार
आज गंगा दशहारा पर्व मनाइँदै
असार २, २०८१ आइतबार
एक हप्तासम्म काठमाडौंका यी स्थानमा दैनिक ४ घन्टा विद्युत अवरूद्ध हुने
असार २, २०८१ आइतबार
गण्डकीमा राप्रपालाई फकाउन पृथ्वीनारायण शाहको शालिकको लागि बजेट !
असार २, २०८१ आइतबार
युरोकपमा स्वीजरल्याण्डको विजयी सुरुवात
असार २, २०८१ आइतबार